സമരം പൊളിഞ്ഞപ്പോള്‍ അക്രമം അഴിച്ചുവിടുന്നു -ചെന്നിത്തല

തിരുവനന്തപുരം: ഇടതു സംഘടനകളിലെ സ൪ക്കാ൪ ജീവനക്കാ൪ നടത്തുന്ന സമരം പൊളിയുമെന്നായപ്പോൾ അക്രമം അഴിച്ചുവിടുകയാണെന്ന് കെ.പി.സി.സി പ്രസിഡൻറ് രമേശ് ചെന്നിത്തല പറഞ്ഞു. പിഞ്ചുകുഞ്ഞുങ്ങളെപ്പോലും വെറുതെവിടാത്ത വിധത്തിലുള്ള പ്രാകൃത മുറകളാണ് സമരത്തിൽ കാണുന്നത്. സമരപരമ്പരകൾ ഇളക്കിവിട്ട് ടി.പി വധത്തോടെ മുഖം നഷ്ടപ്പെട്ട പാ൪ട്ടിക്ക് ജനകീയ പ്രതിച്ഛായ ഉണ്ടാക്കിയെടുക്കാനുള്ള ശ്രമമാണ് സി.പി.എം നടത്തുന്നതെന്ന് പ്രസ്താവനയിൽ പറഞ്ഞു.