കൊറിയ ഓപണ്‍: സൈന ക്വാര്‍ട്ടറില്‍; കശ്യപ്, സിന്ധു പുറത്ത്

സോൾ: ഇന്ത്യയുടെ സൂപ്പ൪താരം സൈന നെഹ്വാൾ കൊറിയ ഓപൺ സൂപ്പ൪ സീരീസ് ബാഡ്മിൻറണിൻെറ ക്വാ൪ട്ട൪ ഫൈനലിൽ കടന്നു. വനിതാ സിംഗ്ൾസ് രണ്ടാം റൗണ്ടിൽ ഇന്തോനേഷ്യയുടെ മിങ്ഷ്യൻ ഫൂയെ 21-16, 21-9നാണ് തോൽപിച്ചത്. ചൈനയുടെ ലിൻ ഹാനാണ് ക്വാ൪ട്ടറിലെ എതിരാളി.
മറ്റൊരു മത്സരത്തിൽ തായ്ലൻഡിൻെറ പോൺടിപ് ബുരനാപ്രസേസുകിനോട് തോറ്റ് ഇന്ത്യയുടെ പി.വി. സിന്ധു പുറത്തായി. സ്കോ൪: 19-21, 13-21. പുരുഷ സിംഗ്ൾസ് രണ്ടാം റൗണ്ടിൽ ഇന്ത്യൻതാരം പി. കശ്യപും തോറ്റു. ഹോങ്കോങ്ങിൻെറ യൂൻ ഹൂ 21-16, 13-21, 17-21നാണ് കശ്യപിനെ വീഴ്ത്തിയത്. അതേസമയം, കശ്യപും സിന്ധുവും റാങ്കിങ് വീണ്ടും മെച്ചപ്പെടുത്തി. കരിയറിലെ മികച്ച റാങ്കായ 11ൽ കശ്യപും 17ൽ സിന്ധുവും എത്തി. ഇരുവരും യഥാക്രമം 14, 19 സ്ഥാനങ്ങളിലായിരുന്നു.