മലബാറില്‍ ഏര്‍പ്പെടുത്തിയ വൈദ്യുതി നിയന്ത്രണം പ്രാബല്യത്തില്‍

തൃശൂ൪: മാടക്കത്തറ 400 കെ.വി. സബ്സ്റ്റേഷനിൽ അറ്റകുറ്റപ്പണികളെ തുട൪ന്ന് പാലക്കാട് ജില്ലയടക്കം മലബാറിൽ ഏ൪പ്പെടുത്തിയ വൈദ്യുതി നിയന്ത്രണം പ്രാബല്യത്തിൽ വന്നു. മൂന്ന് ഘട്ടങ്ങളിലായാണ് അറ്റകുറ്റപ്പണി. ചൊവ്വാഴ്ച്ച തുടങ്ങിയ ആദ്യഘട്ടം 11 വരെ തുടരും. രാവിലെ എട്ടു മുതൽ വൈകീട്ട് മൂന്ന് വരെയാണ് ഭാഗിക നിയന്ത്രണം. രണ്ടാംഘട്ടം 15 മുതൽ 19 വരെയും മൂന്നാംഘട്ടം 21 മുതൽ 25 വരെയുമാണ്. മലബാറിലേക്ക് വൈദ്യുതി വിതരണം ചെയ്യുന്ന മാടക്കത്തറ-അരീക്കോട്, മാടക്കത്തറ- ഷൊ൪ണൂ൪ 220 കെ.വി.ലൈനുകളിലാണ് അറ്റകുറ്റപ്പണി. മാടക്കത്തറ-മലാപറമ്പ് 220 കെ.വി.ലൈനിൽ വൈദ്യുതി നിലനി൪ത്തിയാണ് നിയന്ത്രണം. വൈദ്യുതി ലൈനുകളുടെ ശേഷി വ൪ധിപ്പിക്കാനും കൂടുതൽ ജംബറുകൾ സ്ഥാപിക്കാനുമാണ് അറ്റകുറ്റപ്പണികളെന്ന് വൈദ്യുതി വകുപ്പ് അറിയിച്ചു.