സാന്‍ഡി സ്കൂളില്‍ വീണ്ടും കളിപ്പാട്ടങ്ങളുടെ കിലുക്കം

വാഷിങ്ടൺ: വെടിമുഴക്കത്തിനുശേഷം അമേരിക്കയിലെ സാൻഡി സ്കൂളിൽ വീണ്ടും മിഠായി മധുരവും കളിപ്പാട്ടങ്ങളുടെ കിലുക്കവും. വെടിവെപ്പിൽ 20 കുട്ടികൾ കൊല്ലപ്പെട്ടതിനുശേഷം അടച്ചിട്ട സ്കൂൾ വീണ്ടും തുറന്നതായി സ്കൂൾ മേധാവി അറിയിച്ചു. ലോകത്തെ ഞെട്ടിച്ച കൊലപാതകത്തിനുശേഷം ആദ്യമായാണ് സാൻഡി ഹൂക് എലിമെൻററി സ്കൂൾ പ്രവ൪ത്തനം ആരംഭിക്കുന്നത്. സംഭവം നടന്ന സ്കൂളിലല്ല മോൺറോ പട്ടണത്തിനു സമീപത്തുള്ള പട്ടണത്തിലെ മറ്റൊരു സ്കൂളിലാണ് ക്ളാസുകൾ ആരംഭിക്കുന്നത്. ശക്തമായ സുരക്ഷയാണ് ഒരുക്കിയിരിക്കുന്നത്. ആഡം ലാൻസ എന്നയാൾ അമ്മയെ വെടിവെച്ചുകൊന്ന ശേഷം അടുത്തുള്ള സ്കൂളിലെത്തി പിഞ്ചുകുട്ടികളുടെ നേരെ വെടിവെക്കുകയായിരുന്നു.