Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightപാമോയില്‍ ഇറക്കുമതി:...

പാമോയില്‍ ഇറക്കുമതി: മന്ത്രിസഭാ തീരുമാനത്തിന്‍െറ പേരില്‍ ഉദ്യോഗസ്ഥര്‍ പീഡിപ്പിക്കപ്പെടുന്നു -ബാലകൃഷ്ണപിള്ള

text_fields
bookmark_border
പാമോയില്‍ ഇറക്കുമതി: മന്ത്രിസഭാ തീരുമാനത്തിന്‍െറ പേരില്‍ ഉദ്യോഗസ്ഥര്‍ പീഡിപ്പിക്കപ്പെടുന്നു -ബാലകൃഷ്ണപിള്ള
cancel

തിരുവനന്തപുരം: പാമോയിൽ ഇറക്കുമതി ചെയ്യാൻ താൻ ഉൾപ്പെടെയുള്ള മന്ത്രിസഭാ യോഗത്തിലെടുത്ത തീരുമാനത്തിൻെറ പേരിൽ സഖറിയാ മാത്യു, ജിജി തോംസൺ, എസ്. പത്മകുമാ൪ തുടങ്ങിയ ഉദ്യോഗസ്ഥ൪ ക്രൂരമായി പീഡിപ്പിക്കപ്പെടുകയാണെന്ന് കേരള കോൺഗ്രസ്-ബി ചെയ൪മാൻ ആ൪. ബാലകൃഷ്ണപിള്ള
മലയാറ്റൂ൪ രാമകൃഷ്ണൻെറ 15ാം ചമരവാ൪ഷികത്തോടനുബന്ധിച്ച് അദ്ദേഹത്തിൻെറ വസതിയിലെ അനുസ്മരണ സമ്മേളനത്തിൽ സംസാരിക്കുകയായിരുന്നു അദ്ദേഹം.
മലയാറ്റൂ൪ പ്രതിഭാധനനായ ഐ.എ.എസ് ഉദ്യോഗസ്ഥനായിരുന്നു. ഭാഗ്യം കൊണ്ടാണ് അദ്ദേഹം കേസുകളിൽ നിന്ന് രക്ഷപ്പെട്ടത്. തങ്ങളുടേതല്ലാത്ത കുറ്റത്തിന് ഉദ്യോഗസ്ഥ൪ ബലിയാടാകുന്ന കാലമാണിത്. സത്യസന്ധനായ ഉദ്യോഗസ്ഥനായിരുന്നു സഖറിയാമാത്യു. ജിജി തോംസൻെറ പ്രമോഷൻ പാമോയിൽ കാരണം തടയപ്പെട്ടിരുന്നു. മന്ത്രിമാ൪ കൈകഴുകയും ഉദ്യോഗസ്ഥ൪ ബലിയാടാവുകയും ചെയ്ത കേസാണ് പാമോയിൽ ഇറക്കുമതി.
14 കോടിയുടെ ലാഭം ഇതുവഴി സ൪ക്കാറിനുണ്ടായി. ചില൪ക്ക് സി.ബി.ഐ അന്വേഷണം ഹരമാണ്. താനൊഴിച്ച് ബാക്കിയെല്ലാവരും കേസിൽ പ്രതിയാകണമെന്നാണ് ചിലരുടെ ആഗ്രഹം. സി.വി. രാമൻപിള്ളയെയും സി.വി. രാമനെയും തിരിച്ചറിയാത്തവരാണ് സെക്രട്ടേറിയറ്റ് ഭരിക്കുന്നത്. മലയാളം ശ്രേഷ്ഠഭാഷയാകാൻ പോകുകയാണത്രെ. ഇതിനെക്കുറിച്ച് പഠിക്കാൻ വൈകാതെ ഒരു തെലുങ്കനെ പ്രതീക്ഷിക്കാം.
കെ.എസ്.ആ൪.ടി.സിയിൽ വൈകാതെ ശമ്പളം മുടങ്ങും. അതിൻെറ കാര്യം പോക്കാണ്. കെ.എസ്.ആ൪.ടി.സിയെ ലാഭത്തിലെത്തിച്ച എം.ഡിയായിരുന്നു മലയാറ്റൂരെന്നും പിള്ള പറഞ്ഞു.
ഭൂപരിഷ്കരണ നിയമം കേരളത്തിൽ നടപ്പാക്കിയത് കെ.ആ൪. ഗൗരിയമ്മയല്ലെന്ന് ഡോ. ഡി. ബാബുപോൾ പറഞ്ഞു. നിയമം നടപ്പാക്കിയത് റവന്യു മന്ത്രിയായിരുന്ന കെ.ടി. ജേക്കബും റവന്യു സെക്രട്ടറിയായിരുന്ന മലയാറ്റൂ൪ രാമകൃഷ്ണനുമാണ്. സ്വാതി തിരുന്നാളിനെപ്പോലെ സ൪വകലാ വല്ലഭനായിരുന്നു മലയാറ്റൂ൪. . മലയാറ്റൂരിൻെറ പേരിൽ ശാസ്ത്രി നഗറിൽ സ്മാരകമുണ്ടാക്കുന്ന കാര്യം പരിഗണനയിലാണെന്ന് സാഹിത്യ അക്കാദമി പ്രസിഡൻറ് പെരുമ്പടവം ശ്രീധരൻ പറഞ്ഞു.
ചിന്ത പബ്ളിഷേഴ്സ് പ്രസിദ്ധീകരിച്ച് പി.എം. ബിനുകുമാ൪ എഡിറ്റ് ചെയ്ത ‘മലയാറ്റൂരിൻെറ സിനിമാ സ്റ്റോറി ഒരോ൪മ പുസതകം’ മലയാറ്റൂരിൻെറ സഹായി മോഹൻകുമാറിന് നൽകി പ്രകാശനം ചെയ്തു. മലയാറ്റൂ൪ സ്മാരക വേദിയായ വേരുകളും സെൻറ൪ ഫോ൪ കൾച്ചറൽ സ്റ്റഡീസും ശാസ്ത്രി നഗ൪ റസിഡൻസ് അസോസിയേഷനും സംയുക്തമായാണ് സമ്മേളനം സംഘടിപ്പിച്ചത്. എഴുത്തുകാരായ സതീഷ് ബാബു പയ്യന്നൂ൪, ബി. ഹരികുമാ൪, സി.എസ്. ജയചന്ദ്രൻ തുടങ്ങിയവ൪ പങ്കെടുത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story