താണാവില്‍ കൂറ്റന്‍ലോറിയും ബസും കൂട്ടിയിടിച്ച് യാത്രക്കാര്‍ക്ക് പരിക്ക്

പാലക്കാട്: പാലക്കാട്-കോഴിക്കോട് ദേശീയപാത താണാവിൽ കാറുകൾ കയറ്റിപ്പോകുന്ന കൂറ്റൻ ലോറിയും കെ.എസ്.ആ൪.ടി.സി ബസും കൂട്ടിയിടിച്ച് ബസ് യാത്രക്കാ൪ക്ക് നിസാരപരിക്ക്.
ഒലവക്കോട് താണാവ് ഇറക്കത്തിൽ തിങ്കളാഴ്ച രാത്രി ഒമ്പത് മണിയോടെയാണ് അപകടം. കോഴിക്കോട്നിന്ന് പാലക്കാട്ടേക്ക് വരുന്ന കെ.എസ്.ആ൪.ടി.സി ബസും കോഴിക്കോട് ഭാഗത്തേക്ക് പോകുന്ന കൂറ്റൻ ലോറിയുമാണ് അപകടത്തിൽപ്പെട്ടത്.
അമിത വേഗതയിൽ റെയിൽവേ കോളനി ഭാഗത്ത്നിന്ന് വന്ന ബൈക്ക് യാത്രക്കാരെ രക്ഷിക്കാൻ ബസ് വെട്ടിച്ചതിനെതുട൪ന്ന് എതിരെ വന്ന ലോറിയിൽ ഇടിക്കുകയായിരുന്നു. ഇടിച്ചയുടൻ ലോറി നി൪ത്താനായത് വൻദുരന്തം ഒഴിവാക്കി. ബസിൻെറ മുൻവശത്തിരുന്ന യാത്രക്കാ൪ക്കാണ് പരിക്കേറ്റത്.
അപകടത്തെ തുട൪ന്ന് ദേശീയപാതയിൽ ഒരുമണിക്കൂറോളം ഗതാഗതകുരുക്ക് അനുഭവപ്പെട്ടു.
റോഡ് വീതികുറഞ്ഞ ഇവിടെ അപകടം പതിവാണ്. കഴിഞ്ഞ ആഴ്ച ബസ് കടയിലേക്ക് പാഞ്ഞുകയറി നിരവധി യാത്രക്കാ൪ക്ക് പരിക്കേറ്റിരുന്നു.