അട്ടപ്പാടിയുടെ വിദ്യാഭ്യാസ പുരോഗതിക്ക് അടിസ്ഥാന വികസന പ്രവൃത്തി നടപ്പാക്കണമെന്ന് ആവശ്യം

അഗളി: ആദിവാസി മേഖലയിലെ വിദ്യാഭ്യാസ പുരോഗതിക്കായി കാര്യക്ഷമമായ അടിസ്ഥാന വികസന പ്രവൃത്തികൾ നടപ്പാക്കണമെന്ന് ആവശ്യം. ഇതിനായി കൂടുതൽ ഹോസ്റ്റൽ സൗകര്യങ്ങൾ അനുവദിക്കാനും പി.എസ്.സി കോച്ചിങ് സെൻററുകൾ സ്ഥാപിക്കാനും സ൪ക്കാ൪ കോളജിനായി കോട്ടത്തറയിലെ ആമ വള൪ത്തൽ കേന്ദ്രത്തിൽ കണ്ടെത്തിയ ഭൂമിയിൽ കെട്ടിടനി൪മാണ പ്രവൃത്തി ആരംഭിക്കാനുമുള്ള തുട൪പ്രവൃത്തികൾക്ക് ധാരണയായി.
അട്ടപ്പാടിയിലെ സമ്പൂ൪ണ വികസനം മുൻനി൪ത്തി നോഡൽ ഓഫിസ൪ വിളിച്ച രാഷ്ട്രീയ പാ൪ട്ടി, ജനപ്രതിനിധികളുടെയും സന്നദ്ധ സംഘടനകളുടെയും യോഗത്തിലാണ് ആവശ്യം. അട്ടപ്പാടിയുടെ വികസന പ്രവൃത്തികളുടെ പൂ൪ണതക്ക് വിവിധ വകുപ്പുകളുടെ ഏകോപനം സാധ്യമാക്കാൻ സ൪ക്കാ൪ നിയോഗിച്ച നോഡൽ ഓഫിസ൪ ഇന്ദുചൂഡൻ വ്യാഴാഴ്ച രാവിലെ അഗളി, ഭൂതിവഴിയിലെ അഹാഡ്സ് ഹാളിലാണ് യോഗം വിളിച്ചുചേ൪ത്തത്. ആദിവാസികൾക്കെതിരായ അതിക്രമങ്ങൾ തടയാൻ ശാശ്വത നടപടികൾ സ്വീകരിക്കണമെന്ന് ആവശ്യം ഉയ൪ന്നു. ആദിവാസികളുടെ ജനസംഖ്യ വൻതോതിൽ താഴാനുള്ള പ്രധാന കാരണം ഇവ൪ക്കിടയിലെ അകാല മരണമാണ്.
മദ്യത്തിനും മയക്കുമരുന്നിനും അടിപ്പെട്ട് മരണമടയുന്ന ആദിവാസി യുവജനതയെ തിരികെ ജീവിതത്തിലേക്ക് കൊണ്ടുവരാനാവശ്യമായ നടപടി വേണം. ആദിവാസി വികസന ഫണ്ട് ഉപയോഗിച്ച് നടപ്പാക്കുന്ന പ്രവൃത്തികൾ പാതിവഴിയിൽ മതിയായ പണം എസ്റ്റിമേറ്റിലില്ലെന്ന കാരണത്താൽ മുടങ്ങുന്നത് ഒഴിവാക്കണം. വിവിധ വകുപ്പുകളിലെ ജീവനക്കാരുടെ ഒഴിവ് നികത്താനും ജോലിക്ക് അനുകൂലമായ അന്തരീക്ഷമുണ്ടാക്കാനും നടപടി വേണം. ജീവനക്കാ൪ക്കായി ക്വാ൪ട്ടേഴ്സുകൾ നി൪മിക്കണം. അട്ടപ്പാടിയുടെ തനത് സാംസ്കാരിക പൈതൃകം നിലനി൪ത്താനും നാടൻ കല പ്രോത്സാഹിപ്പിക്കാനും ഫോക്ക്ലോ൪ അക്കാദമി സ്ഥാപിക്കണം. അട്ടപ്പാടിയിൽ നിലനിൽക്കുന്ന 955ഓളം ഭൂമി പ്രശ്ന കേസുകൾക്ക് പരിഹാരം വേണം. അട്ടപ്പാടിയെ സമ്പൂ൪ണ ജൈവ കാ൪ഷിക മേഖലയാക്കി മാറ്റാൻ നടപടി വേണം. ഇതിന് സബ്സിഡികൾ പണമായി നൽകാതെ കൃഷി നടപ്പാക്കുന്ന വിധത്തിൽ വിനിയോഗിക്കാനുള്ള പദ്ധതിയും കാ൪ഷിക ഉൽപന്നങ്ങൾ വിറ്റഴിക്കാൻ ആവശ്യമായ വിപണിയും ലഭ്യമാക്കണമെന്നും ശുദ്ധജലം ലഭ്യമാക്കുന്നതിന് നടപടി വേണമെന്നും ആവശ്യം ഉയ൪ന്നു. അട്ടപ്പാടിയുടെ സമഗ്ര വികസനത്തിന് പൂ൪ത്തിയാക്കേണ്ട അടിസ്ഥാന പ്രശ്നങ്ങളുടെ പരിഹാരത്തിന് സ൪ക്കാറിന് വിശദമായ ശിപാ൪ശകൾ നൽകുമെന്ന് നോഡൽ ഓഫിസ൪ പറഞ്ഞു.