Begin typing your search above and press return to search.
exit_to_app
exit_to_app
Homechevron_rightTECHchevron_rightവര്‍ക്കര്‍ക്ക്...

വര്‍ക്കര്‍ക്ക് വൈദ്യുതാഘാതമേറ്റ സംഭവം: നടപടിയെടുക്കാനാവാതെ അധികൃതര്‍

text_fields
bookmark_border
വര്‍ക്കര്‍ക്ക് വൈദ്യുതാഘാതമേറ്റ സംഭവം: നടപടിയെടുക്കാനാവാതെ അധികൃതര്‍
cancel

വട്ടിയൂ൪ക്കാവ്: ലൈനിൽ തൊട്ടുകിടന്ന മരച്ചില്ലകൾ വെട്ടുന്നതിനിടെ വ൪ക്ക൪ക്ക് വൈദ്യുതാഘാതമേറ്റ സംഭവത്തിൽ നടപടി സ്വീകരിക്കാനാവാതെ കെ.എസ്.ഇ.ബി കുഴങ്ങുന്നു. വൈദ്യുതി ബോ൪ഡിൻെറ വട്ടിയൂ൪ക്കാവ് സെക്ഷൻ ഓഫിസിലെ വ൪ക്കറും കാച്ചാണി പുന്നാംകോണം സ്വദേശിയുമായ എസ്.ആ൪. വിനോദിന് (42) കഴിഞ്ഞ ശനിയാഴ്ചയാണ് സാരമായി പൊള്ളലേറ്റത്. രാവിലെ പത്തോടെ വട്ടിയൂ൪ക്കാവ് വാഴോട്ടുകോണം ജങ്ഷന് സമീപത്തായിരുന്നു അപകടം. ചെമ്പുക്കോണം ലെയ്നിന് എതി൪വശത്തെ ട്രാൻസ്ഫോ൪മറിന് സമീപം വൈദ്യുതി ലൈനിൽ തട്ടിക്കിടന്ന ആഞ്ഞിലി മരത്തിൻെറ ചില്ലകൾ വെട്ടിമാറ്റുകയായിരുന്നു. ഇത് അബദ്ധത്തിൽ ട്രാൻസ്ഫോ൪മറിന് മുകളിൽ പതിക്കുകയായിരുന്നു. മരച്ചില്ല നീക്കം ചെയ്യാൻ ശ്രമിക്കുന്നതിനിടെയാണ് വൈദ്യുതാഘാതമേറ്റത്. അപകടം നടക്കുമ്പോൾ വ൪ക്ക൪മാരായ സെയ്ദ്, സുരേഷ്, ലൈൻമാൻ ചന്ദ്രൻ എന്നിവരാണ് സ്ഥലത്തുണ്ടായിരുന്നത്. ട്രാൻസ്ഫോ൪മ൪ ഓഫ് ചെയ്ത നിലയിലായിരുന്നെങ്കിലും ഇതിൻെറ ആ൪.എം.യു ബോക്സ് (റിങ് മെയിൻ യൂനിറ്റ് സിസ്റ്റം) വഴി ട്രാൻസ്ഫോ൪മറിൽ വൈദ്യുതി പ്രവാഹം ഉണ്ടായിരുന്നതാണ് അപകടകാരണം.
ആന്തരികാവയവങ്ങൾക്ക് 40 ശതമാനത്തോളം പൊള്ളലേറ്റ വിനോദ് നഗരത്തിലെ സ്വകാര്യ ആശുപത്രിയിൽ ചികിത്സയിലാണ്. ട്രാൻസ്ഫോ൪മറിലേക്ക് പോസ്റ്റുകൾ വഴിയും കേബിളുകൾ വഴിയും വൈദ്യുത ബന്ധമുണ്ടായിരുന്നു. ഇതിൽ ഓവ൪ഹെഡ് ലൈൻ മാത്രമാണ് ഓഫ് ചെയ്തത്.
11 കെ.വി ലൈനുമായി ബന്ധപ്പെട്ട ജോലികൾ ചെയ്യുമ്പോൾ സ്ഥലത്ത് സബ് എൻജിനീയ൪, ഓവ൪സീയ൪ എന്നിവ൪ നി൪ബന്ധമായും ഉണ്ടായിരിക്കണമെന്നാണ് ചട്ടം. ലൈനുകൾ ഓഫാക്കിയശേഷം ഇവയെ ചങ്ങലകൊണ്ട് ബന്ധിച്ച് എ൪ത്ത് ചെയ്യണമെന്നും നി൪ദേശമുണ്ട്. ഈ മുൻകരുതലുകളൊന്നും എടുത്തിരുന്നില്ലെന്നാണ് അറിയുന്നത്.
രണ്ടാഴ്ചമുമ്പ് വട്ടിയൂ൪ക്കാവ് സെക്ഷന് കീഴിൽ ലൈൻ പൊട്ടി വീണ് ഷോക്കേറ്റ ഗൃഹനാഥൻ മരിച്ച സംഭവത്തിൽ സബ് എൻജിനീയ൪, ഓവ൪സിയ൪ എന്നിവരെ വൈദ്യുതി ബോ൪ഡ് സസ്പെൻഡ് ചെയ്തിരുന്നു. ഓവ൪സിയറും സബ് എൻജിനീയറും സസ്പെൻഷനിലായതോടെ മറ്റൊരു സബ് എൻജിനീയ൪ക്ക് അധികചുമതല നലകി. ജോലിയിൽ അമിതഭാരം ചുമത്തപ്പെട്ട ഈ സബ് എൻജിനീയ൪ ശനിയാഴ്ചത്തെ സംഭവ സമയം സ്ഥലത്തുണ്ടായിരുന്നില്ല. സസ്പെൻഡ് ചെയ്തവ൪ക്ക് പകരം ഉദ്യോഗസ്ഥരെ നിയമിക്കാൻ അധികൃത൪ക്ക് കഴിയാത്തതാണ് അപകട കാരണമെന്ന് ചൂണ്ടിക്കാണിക്കപ്പെടുന്നു. അതേസമയം, പ്രാഥമിക റിപ്പോ൪ട്ടിൻെറ അടിസ്ഥാനത്തിൽ ശിക്ഷണ നടപടികൾക്ക് ബോ൪ഡ് മുതിരില്ലെന്നാണ് കരുതുന്നത്. ഇതിനിടെ യഥാ൪ഥ കുറ്റക്കാരെ രക്ഷിക്കാനും ശ്രമം ആരംഭിച്ചതായി ആരോപണമുണ്ട്.

Show Full Article
TAGS:
Next Story