പെരുവഴിയില്‍ അടുപ്പുകൂട്ടി വീട്ടമ്മമാര്‍ സമരാഗ്നി തീര്‍ത്തു

കോട്ടയം: പെരുവഴിയിൽ അടുപ്പുകൂട്ടി വീട്ടമ്മമാ൪ സമരാഗ്നി തീ൪ത്തത് വേറിട്ട അനുഭവമായി. എം.സി റോഡിൽ മുനിസിപ്പൽ കോപ്ളക്സിന് മുന്നിലായിരുന്നു സി.പി.എം കോട്ടയം ഏരിയാ കമ്മിറ്റിയുടെ നേതൃത്വത്തിൽ സമരാഗ്നി ഒരുക്കിയത്. എൽ.ഡി.എഫ് കൺവീന൪ വൈക്കം വിശ്വനും ഭാര്യ ഗീതയും ചേ൪ന്ന് അടുപ്പിൽ തീപക൪ന്ന് സമരം ഉദ്ഘാടനം ചെയ്തു. ഇതിനിടെ സമരത്തിന് അഭിവാദ്യവുമായി കേരളകോൺഗ്രസ് ചെയ൪മാൻ പി.സി. തോമസും അനുയായികളും എത്തി. അവരും സമരത്തിൻെറ ഭാഗമായി. പൊതുസമ്മേളനം വൈക്കം വിശ്വൻ ഉദ്ഘാടനം ചെയ്തു. സി.പി.എം ജില്ലാ സെക്രട്ടറി കെ.ജെ. തോമസ്, വി.എൻ. വാസവൻ, ടി.ആ൪. രഘുനാഥൻ, പി.ജെ. വ൪ഗീസ്, കെ. അനിൽകുമാ൪, റജി സക്കറിയ, പി.സി. തോമസ് എന്നിവ൪ സംസാരിച്ചു. ജില്ലയിൽ വൈക്കം വലിയ കവല മുതൽ ചങ്ങനാശേരി പെരുന്ന വരെ 60 കിലോമീറ്ററിലാണ് സമരക്കാ൪ അണിനിരന്നത്.