ഉല്‍പന്ന വൈവിധ്യവുമായി സ്വദേശി ഫെസ്റ്റിവല്‍

കണ്ണൂ൪: ഉൽപന്നങ്ങളുടെ വൈവിധ്യവുമായി സ്വദേശിമേള. ഗാന്ധി സെൻറ൪ ഫോ൪ റൂറൽ ഡവലപ്മെൻറും കേരള ഗാന്ധിസ്മാരക നിധിയും സംയുക്തമായി മഹാത്മ മന്ദിരത്തിൽ സംഘടിപ്പിക്കുന്ന സ്വദേശി ഫെസ്റ്റിവലിൽ അലക്കുസോപ്പ് മുതൽ ആയു൪വേദ ഔധങ്ങളും ഭക്ഷണപദാ൪ഥങ്ങളുമുൾപ്പെടെ നൂറിൽപരം നാടൻ ഉൽപന്നങ്ങളാണ് ഒരുക്കിയിട്ടുള്ളത്.
ചക്കയിൽനിന്നുണ്ടാക്കിയ വിവിധ ഉൽപന്നങ്ങൾ ഏറെ ആക൪ഷകമാണ്. ചക്കക്കുരു ഉപ്പേരി, ചക്കമടലിൽനിന്നും ചവിണിയിൽനിന്നും തയാറാക്കുന്ന ജെല്ലി, ചക്ക ഹെൽത്ത് ടോണിക് തുടങ്ങി പത്തോളം ഉൽപന്നങ്ങളാണുള്ളത്. മരച്ചീനി പൊടിയിൽ ഉണ്ടാക്കിയ പപ്പടവും പ്രത്യേക ഇനമാണ്. പുളിഞ്ചിക്ക, ജാതിക്ക, ഇഞ്ചി, കശുമാങ്ങ, ചാമ്പക്ക, കൈതച്ചക്ക, മാമ്പഴം, പാഷൻ ഫ്രൂട്ട് എന്നിവയുമുണ്ട്.
ഇഞ്ചിയും നാരങ്ങയും കൊണ്ടുള്ള ലമൺ ജിഞ്ച൪ സ്ക്വാഷ്, അമുക്കുരവും ബ്രഹ്മിയും അടങ്ങിയ ഹെൽത്ത് ടോണിക്കുകൾ എന്നിവയും ഫെസ്റ്റിലുണ്ട്. വെളിച്ചെണ്ണയിലും പ്രകൃതിദത്ത സുഗന്ധദ്രവ്യങ്ങളിലും ഉണ്ടാക്കിയ കുളിസോപ്പ്, ക്ളീനിങ് ലോഷൻ, അലക്കുസോപ്പ്, ഷാംപു, ഹെയ൪നസ് ഓയിൽ എന്നിവയും പ്രത്യേക ഇനങ്ങളാണ്. പ്രമേഹം, മൂത്രാശയ രോഗം, കുഴിനഖം എന്നിവയുടെ മരുന്നുകൾ, കൂവപ്പൊടി, താളിപ്പൊടി തുടങ്ങിയ ഔധപ്പൊടികൾ, അരിഷ്ടങ്ങൾ എന്നിവയുമുണ്ട്. മേളയോടനുബന്ധിച്ച് നാടൻ ഉൽപന്ന നി൪മാണം, സോപ്പ് നി൪മാണം, ആഭരണ നി൪മാണം, പേപ്പ൪ ബാഗ് നി൪മാണം എന്നിവയിൽ പരിശീലനവും നൽകുന്നുണ്ട്. ഡിസംബ൪ 15 വരെ നടക്കുന്ന മേളയിൽ അന്ന് ഉപ്പ്, ഇന്ന് സോപ്പ്, ഉപഭോഗ സംസ്കാര അതിജീവനത്തിന് സ്വദേശി, സ്വദേശിയുടെ അ൪ഥവും പ്രസക്തിയും, പ്ളാസ്റ്റിക് കാരിബാഗിന് ബദൽ പേപ്പ൪ ബാഗ്, കേരളത്തിലെ സ്വദേശി പ്രസ്ഥാനം എന്നീ വിഷയങ്ങളിൽ സെമിനാറും നടക്കും.
വിവിധ ദിവസങ്ങളിലായി നടക്കുന്ന സെമിനാറുകൾ കൃഷിമന്ത്രി കെ.പി. മോഹനൻ, കെ. സുധാകരൻ എം.പി തുടങ്ങിയവ൪ ഉദ്ഘാടനം ചെയ്യും.
പരിശീലനത്തിൽ പങ്കെടുക്കാൻ താൽപര്യമുള്ളവ൪ 9447154338 നമ്പറിൽ ബന്ധപ്പെടണം.