യുദ്ധക്കുറ്റം: കൊസോവോ മുന്‍ പ്രധാനമന്ത്രിയെ വെറുതെവിട്ടു

ഹേഗ്: യുദ്ധക്കുറ്റ വിചാരണയിൽ മുൻ കൊസോവോ പ്രധാനമന്ത്രി റാമുഷ് ഹരാദിനാജിനെയും രണ്ട് സഹായികളെയും അന്താരാഷ്ട്ര കോടതി വെറുതെവിട്ടു. ആരോപണങ്ങൾ തെറ്റാണെന്ന് തെളിഞ്ഞതിനെ തുട൪ന്ന് യു.എന്നിൻെറ യൂഗോസ്ലാവ്യ യുദ്ധക്കുറ്റ കോടതിയാണ് അദ്ദേഹത്തെ വെറുതെവിട്ടത്. യുദ്ധത്തിനിടെ സെ൪ബുകളെ പീഡിപ്പിച്ചുവെന്നും കൊലചെയ്തുവെന്നുമായിരുന്നു ആരോപണം. കോടതി വിധിയെ ജനങ്ങൾ ആഹ്ളാദത്തോടെ എതിരേറ്റു.
വിചാരണ രംഗങ്ങൾ കൊസോവോ തലസ്ഥാനമായ പ്രിസ്റ്റിനയിൽ തത്സമയം സംപ്രേഷണം ചെയ്തിരുന്നു.
കോടതി നടപടി സെ൪ബുകൾക്ക് തിരിച്ചടിയായിരിക്കുകയാണ്. ഈ മാസമാദ്യം ജനറൽ ആൻെറ ഗോട്ടേവിനയെയും കോടതി വെറുതെവിട്ടിരുന്നു.