ഹോക്കി ജൂനിയര്‍ ഏഷ്യാകപ്പ്: ഇന്ത്യന്‍ പെണ്‍പടക്ക് തകര്‍പ്പന്‍ ജയം

ചാങ്ഷൗ: ചൈനയില്‍ നടക്കുന്ന ഏഴാമത് ജൂനിയര്‍ ഏഷ്യാകപ്പ് ഹോക്കിയില്‍ ഇന്ത്യന്‍ വനിതകള്‍ക്ക് വര്‍ണാഭജയത്തോടെ തുടക്കം. ആദ്യ മത്സരത്തില്‍ ഉത്തര കൊറിയയെ 13^0ത്തിന് ഇന്ത്യ തോല്‍പിച്ചു. ക്യാപ്റ്റന്‍ റാണിയുടെ തകര്‍പ്പന്‍ പ്രകടനമാണ് ഇന്ത്യക്ക് കരുത്തായത്. ആകെ അഞ്ചു ഗോളുകള്‍ നേടിയ റാണി, ഹാഫ്ടൈമിന് പിന്നാലെ മൂന്നു മിനിറ്റിനുള്ളിലാണ് മൂന്നെണ്ണം വലയിലത്തെിച്ചത്. സ്ട്രൈക്കര്‍ നവനീത് കൗര്‍, മിഡ്ഫീല്‍ഡര്‍ പ്രീതി ദുബെ എന്നിവര്‍ രണ്ടു വീതം ഗോള്‍ നേടിയപ്പോള്‍ ജസ്പ്രീത് കൗര്‍, ലിലി മായെങ്ബാം, പൂനം ബര്‍ല, ലിലിമ മിന്‍സ് എന്നിവര്‍ ഓരോ തവണയും ലക്ഷ്യംകണ്ടു. ഞായറാഴ്ച നടക്കുന്ന മത്സരത്തില്‍ ഇന്ത്യ സിംഗപ്പൂരിനെ നേരിടും.