വി.എസിന്‍െറ അനുഗ്രഹം തേടി നായനാരുടെ മകള്‍

ആലുവ:  കൊച്ചി കോര്‍പറേഷനിലെ സ്ഥാനാര്‍ഥിയും അന്തരിച്ച മുന്‍ മുഖ്യമന്ത്രി ഇ.കെ. നായനാരുടെ മകളുമായ ഉഷ, വി.എസ്. അച്യുതാനന്ദനെ സന്ദര്‍ശിച്ച് അനുഗ്രഹം തേടി. ആലുവ പാലസില്‍ എത്തിയാണ് ഉഷ വി.എസിനെ കണ്ടത്. ശനിയാഴ്ച രാത്രി ഒമ്പതോടെ ഭര്‍ത്താവ് പ്രവീണ്‍ മേനോനോടൊപ്പമാണ് ഉഷ എത്തിയത്.

ഇ.കെ. നായനാരുടെ മകള്‍ക്ക് വലിയ വിജയം നേടാന്‍ കഴിയുമെന്ന് വി.എസ് ആലുവയില്‍ മാധ്യമ പ്രവര്‍ത്തകരോട് പറഞ്ഞു. നായനാരുടെ മകളുടെ വിജയത്തെക്കുറിച്ച് ചോദിച്ചപ്പോഴാണ് അദ്ദേഹം ഇങ്ങനെ പ്രതികരിച്ചത്. തദ്ദേശസ്വയംഭരണ തെരഞ്ഞെടുപ്പില്‍ എല്‍.ഡി.എഫ് മികച്ച വിജയം നേടുമെന്നും അദ്ദേഹം പറഞ്ഞു.