ആര്‍.എസ്.എസ് നാടിനെ നശിപ്പിക്കുന്ന ഇത്തിള്‍ –ബൃന്ദ കാരാട്ട്

ഇരവിപുരം: ശ്രീനാരായണഗുരുവിന്‍െറ പേരിലുള്ള നവോഥാന നേതൃത്വം ഏറ്റെടുത്തിരിക്കുന്നത് ചില ഇത്തിള്‍ച്ചെടികളാണെന്നും ആര്‍.എസ്.എസ് നാടിനെ നശിപ്പിക്കുന്ന ഇത്തിളാണെന്നും സി.പി.എം പോളിറ്റ് ബ്യൂറോ അംഗം ബൃന്ദ കാരാട്ട്. സി.പി.എം കൊല്ലൂര്‍വിള പള്ളിമുക്കില്‍ സംഘടിപ്പിച്ച തെരഞ്ഞെടുപ്പുയോഗം ഉദ്ഘാടനം ചെയ്യുകയായിരുന്നു അവര്‍. മുസ്ലിംകളെ തുരത്തുക എന്നതാണ് ആര്‍.എസ്.എസ് അജണ്ട. കേരളത്തില്‍ ബി.ജെ.പിയും കോണ്‍ഗ്രസും ചേര്‍ന്ന് കൂട്ടുകെട്ടുണ്ടാക്കി അന്തര്‍നാടകം നടത്തുകയാണ്.

ആര്‍.എസ്.എസിനോട് മൃദുസമീപനമാണ് മുഖ്യമന്ത്രി ഉമ്മന്‍ ചാണ്ടിക്കുള്ളത്. അഴിമതിക്കാരെ സംരക്ഷിക്കലാണ് മുഖ്യമന്ത്രി ചെയ്യുന്നത്. സ്വകാര്യമേഖലയില്‍ സംവരണം വേണമെന്ന് പറയാതെ സംവരണം സ്വകാര്യമേഖലയിലൂടെ വരുത്താനാണ് കേന്ദ്രം ശ്രമിക്കുന്നത്. ആര്‍.എസ്.എസ് എന്നാല്‍ രാഷ്ട്രീയ സര്‍വനാശ സമിതി എന്നാണെന്നും അവര്‍ പറഞ്ഞു. രാജ്യത്ത് എന്തുനടന്നാലും താന്‍ അറിഞ്ഞില്ളെന്ന മട്ടില്‍ നിശ്ശബ്ദനായിരിക്കയാണ് പ്രധാനമന്ത്രിയെന്നും അവര്‍ കൂട്ടിച്ചേര്‍ത്തു.