ഈ ചുമരുകള് ഞങ്ങള്ക്കതിരുകളല്ല
text_fields
മഞ്ചേരി: നഗരസഭയില് പത്രികാ സമര്പ്പണത്തിന്െറ അവസാനമണിക്കൂര് വരെയും ചര്ച്ച നടത്തിയിട്ടും കോണ്ഗ്രസിലെ മൂന്ന് വനിതാ കൗണ്സിലര്മാര് പിന്വാങ്ങിയില്ല. നഗരസഭയില് കോണ്ഗ്രസിന്െറ വൈസ് ചെയര്പേഴ്സനായിരുന്ന ഇ.കെ. വിശാലാക്ഷി അരുകിഴായ വാര്ഡിലും സി. സക്കീന വെള്ളാരങ്ങല് വാര്ഡിലും ടി. ശോഭന വായ്പാറപ്പടി വാര്ഡിലുമാണ് പത്രിക നല്കിയത്.
ഡി.സി.സി പ്രസിഡന്റ് മൂന്നുപേരെയും വിളിച്ചുവരുത്തി ജനറല് വാര്ഡുകളില് പുരുഷന്മാരെ മാത്രം മത്സരിപ്പിച്ചാല് മതിയെന്നത് കെ.പി.സി.സി തീരുമാനമാണെന്നും ഇതിനെതിരെ പ്രവര്ത്തിച്ചാല് പുറത്താക്കേണ്ടിവരുമെന്നും പറഞ്ഞു. എന്നാല്, തങ്ങള് പ്രതിനിധീകരിക്കുന്ന വാര്ഡുകളില് ഇത്തവണയും മത്സരിക്കുമെന്ന് ഇവര് പാര്ട്ടിയെ അറിയിച്ചു.
പിന്വലിക്കാനുള്ള അവസാന സമയവും കഴിഞ്ഞിട്ടും രംഗത്തുണ്ടെങ്കില് അംഗത്വത്തില്നിന്ന് പുറത്താക്കാന് ശിപാര്ശ ചെയ്യുമെന്ന് കോണ്ഗ്രസ് ബ്ളോക്ക് കമ്മിറ്റി അറിയിച്ചു. പ്രാദേശിക പ്രവര്ത്തകരുടെ പിന്തുണയിലാണ് മൂവരും രംഗത്തിറങ്ങിയിരിക്കുന്നത്. അരുകിഴായയില് യൂത്ത് കോണ്ഗ്രസിലെ പി. ഷംസുദ്ദീനും വെള്ളാരങ്ങലില് മുജീബ് മുട്ടിപ്പാലവും വായ്പാറപ്പടിയില് കോണ്ഗ്രസ് ബ്ളോക്ക് പ്രസിഡന്റ് രവീന്ദ്രന് നായരുടെ മകന് എ.യു. രാജേഷുമാണ് കോണ്ഗ്രസിന്െറ ഒൗദ്യോഗിക സ്ഥാനാര്ഥികള്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.