കാരായി രാജന്‍ പാട്യത്ത് മത്സരിക്കും

കണ്ണൂര്‍: തലശ്ശേരിയിലെ ഫസല്‍ വധക്കേസില്‍ പ്രതിയായ സി.പി.എം ജില്ലാ സെക്രട്ടേറിയറ്റംഗം കാരായി രാജനെ കണ്ണൂര്‍ ജില്ലാ പഞ്ചായത്തിലെ പാട്യം ഡിവിഷനില്‍ മത്സരിപ്പിക്കാന്‍ എല്‍.ഡി.എഫ് തീരുമാനിച്ചു. ഞായറാഴ്ച പുറത്തിറക്കിയ എല്‍.ഡി.എഫിന്‍െറ സ്ഥാനാര്‍ഥി പട്ടികയില്‍ രാജന്‍െറ പേരുമുണ്ട്. ഇദ്ദേഹത്തെ ജില്ലാ പഞ്ചായത്ത് പ്രസിഡന്‍റാക്കാനാണ് സി.പി.എം തീരുമാനം. നാമനിര്‍ദേശ പത്രിക സമര്‍പ്പിക്കുന്നതിന് രാജന്‍ തിങ്കളാഴ്ച കണ്ണൂരിലത്തെും. ഇതിന് സി.ബി.ഐ പ്രത്യേക കോടതി അനുമതി നല്‍കിയിട്ടുണ്ട്. രാജന്‍െറയും സഹോദരന്‍  കാരായി ചന്ദ്രശേഖരന്‍െറയും അപേക്ഷ പരിഗണിച്ച് സി.ബി.ഐ പ്രത്യേക കോടതി മത്സരിക്കാന്‍ അനുമതി നല്‍കുകയായിരുന്നു. ജാമ്യവ്യവസ്ഥ പ്രകാരം ഇവര്‍ എറണാകുളം ജില്ല വിട്ട് പോകുന്നതിന് നേരത്തേ കോടതി വിലക്കേര്‍പ്പെടുത്തിയിരുന്നു. കാരായി ചന്ദ്രശേഖരന്‍ തലശ്ശേരി നഗരസഭയിലെ  ചെള്ളക്കര വാര്‍ഡില്‍ മത്സരിക്കും.