ഇറാഖില്‍ കാര്‍ ബോംബ് സ്‌ഫോടനത്തില്‍ ഏഴു മരണം

ബഗ് ദാദ്: ഇറാഖിലുണ്ടായ കാ൪ ബോംബ് സ്‌ഫോടനത്തിൽ ഏഴു പേ൪ കൊല്ലപ്പെട്ടു. ബഗ് ദാദിന് വടക്ക് ബലാദ് നഗരപ്രാന്തത്തിലുള്ള ഒരു റെസ്‌റ്റോറന്റിന് സമീപം നി൪ത്തിയിട്ടിരുന്ന കാറാണ് പൊട്ടിത്തെറിച്ചത്. കൊല്ലപ്പെട്ട ഏഴു പേരും ശിയ വിശ്വാസികളാണെന്ന്‌ പൊലീസ് സ്ഥിരീകരിച്ചു.

സംഭവത്തിൽ ഇരുപതോളം പേ൪ക്ക് പരിക്കേറ്റതായും ഇവരിൽ ഏതാനും പേരുടെ നില ഗുരുതരമാണെന്നും ആശുപത്രി വൃത്തങ്ങൾ അറിയിച്ചു. സമാറയിലെ തീ൪ഥാടന കേന്ദ്രത്തിലേക്കു പോകുകയായിരുന്നവരാണ് മരിച്ചത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.