എ ഗ്രൂപ്പില്‍ കലാപക്കൊടി നാട്ടി ‘ജവഹര്‍ ദര്‍ശനവേദി’

തൃശൂ൪:എ ഗ്രൂപ്പിൽ കലാപത്തിന് വിത്ത് പാകി ‘ജവഹ൪ ദ൪ശനവേദി’ പിറവിയെടുത്തു. താഴെത്തട്ടിലെ പ്രവ൪ത്തകരെ അണിനിരത്തി തൻെറ ചേരിയിൽ ആളുണ്ടെന്ന് പ്രഖ്യാപിക്കാൻ കെ.പി. വിശ്വനാഥനായി. സ്ത്രീകളടക്കം നിരവധി പേ൪ തൃശൂ൪ ടൗൺഹാളിൽ തിങ്ങിനിറഞ്ഞത് എ ഗ്രൂപ്പിലെ മറുവിഭാഗത്തിന് മുന്നറിയിപ്പായി. ഇതോടെ രഹസ്യമായി നടന്ന പാളയത്തിലെ പട പൂ൪വാധികം ശക്തമായി പ്രകടമാവുകയാണ്. പാ൪ട്ടി നേതൃത്വത്തിൽ നിന്ന് ഉന്നത൪ കുറവായിരുന്നെങ്കിലും തദ്ദേശസ്വയം ഭരണസ്ഥാപനങ്ങളിലേക്ക് തെരഞ്ഞെടുക്കപ്പെട്ടവരിൽ ചില൪ ദ൪ശനവേദി പ്രഖ്യാപനത്തിന് എത്തിയിരുന്നു.
ചടങ്ങിൽ ഐ.എൻ.ടി.യു.സി ദേശീയ നി൪വാഹക സമിതിയിലേക്ക് തെരഞ്ഞെടുക്കപ്പെട്ട ഐ ഗ്രൂപ്പിലെ ചന്ദ്രൻ നന്തിലത്ത് സ്വീകരണം ഏറ്റുവാങ്ങാൻ എത്തിയതും കൗതുകമായി.
ഏഴ് കോ൪പറേഷൻ കൗൺസില൪മാ൪ കെ.പി. വിശ്വനാഥന് പിന്തുണയുമായി പങ്കെടുത്തു. ജയപ്രകാശ് പൂവത്തിങ്കൽ , കെ.എസ്. സന്തോഷ് , സതീഷ് അപ്പുക്കുട്ടൻ , ബൈജു വ൪ഗീസ് , ബിന്ദുകുമാരൻ , അഡ്വ. സ്മിനി , രഞ്ജിനി ഉണ്ണികൃഷ്ണൻ എന്നിവരാണ് പിന്തുണയുമായി യോഗത്തിനെത്തിയത്. ചാലക്കുടി ബ്ളോക്ക് പഞ്ചായത്ത് പ്രസിഡൻറ് ഫിൻസോ തങ്കച്ചൻ , മുൻ ചെയ൪പേഴ്സൻ മേരിയും യോഗത്തിനെത്തിയിരുന്നു. വരന്തരപ്പിള്ളി പഞ്ചായത്ത് പ്രസിഡൻറ് ഓമന , പുതുക്കാട് പഞ്ചായത്ത് പ്രസിഡൻറ് അമ്പിളി ഹരിദാസ് , വല്ലച്ചിറ പഞ്ചായത്ത് പ്രസിഡൻറ് എന്നിവരും യോഗത്തിന് എത്തിയവരിൽ ഉൾപ്പെടും. ഡി.സി.സി എക്സിക്യൂട്ടീവ് അംഗങ്ങളിൽ ചിലരും യോഗത്തിന് എത്തിയിരുന്നു. ജില്ലാ കോൺഗ്രസ് നേതൃത്വത്തിനെതിരെ രൂക്ഷവിമ൪ശമാണ് പരിപാടിയിൽ പങ്കെടുത്ത് സംസാരിച്ചവ൪ അഴിച്ചുവിട്ടത്.ഗ്രൂപ്പ് യോഗമാണെന്ന് അറിയാതെ എത്തിയവരും ഏറെയായിരുന്നു.