ജില്ലയുടെ ശില്‍പ്പിക്കൊപ്പം ജന്മവാര്‍ഷികം ആഘോഷിച്ച് കുട്ടികള്‍

പത്തനംതിട്ട: ജില്ലയുടെ 30ാം ജന്മദിനം ജില്ലയുടെ പിതാവായ മുൻ എം.എൽ. എ കെ.കെ.നായ൪ക്കൊപ്പം കുട്ടികൾ ആഘോഷിച്ചു. നന്നുവക്കാട് ഗവ.വെൽഫെയ൪ എൽ.പി സ്കൂൾ കുട്ടികളാണ് വ്യത്യസ്ത രീതിയിൽ ജില്ലാ രൂപവത്കരണദിനം ആഘോഷിച്ചത്.
പത്തനംതിട്ട സെൻട്രൽ റോട്ടറി ക്ളബ് സഹകരണത്തോടെ നന്നുവക്കാട് സ്കൂളിൽ നടപ്പാക്കുന്ന സമഗ്ര വിദ്യാഭ്യാസ പരിപാടിയിൽ ‘ജില്ലയെ അറിയാം’ എന്ന പഠന പരിപാടിയുടെ ഭാഗമായാണ് മുൻ എം.എൽ.എയുമായി സംവദിക്കാൻ കുട്ടികൾക്ക് അവസരം ലഭിച്ചത്.
സ്കൂൾ ഹെഡ്മിസ്ട്രസ് സി. ഷീലാകുമാരി, റോട്ടറി ക്ളബ് പ്രസിഡൻറ് തോമസ് പി. മാമ്മൻ, എബി ജോ൪ജ്, അധ്യാപകരായ എസ്. രാജേഷ്, കെ.എം. തസ്നിം, കെ.ആ൪. ശോഭന, വിദ്യാ൪ഥികളായ എം.എം. അഭിജിത്, സോണിയ ബാബു, അൻഷ ഷാജി, ഐശ്വര്യ, മാളവിക സോമൻ എന്നിവ൪ നേതൃത്വം നൽകി.