മുഹമ്മദ് മുര്‍സിയുമായി ഖത്തര്‍ അമീര്‍ കൂടിക്കാഴ്ച നടത്തി

ദോഹ: ഖത്ത൪ അമീ൪ ശൈഖ് ഹമദ് ബിൻ ഖലീഫ ആൽഥാനിയും ഈജിപ്ത് പ്രസിഡൻറ് ഡോ. മുഹമ്മദ് മു൪സിയും ഇന്നലെ ഈജിപ്ത് പ്രസിഡൻറിൻെറ ഔദ്യാഗിക വസതിയിൽ കൂടിക്കാഴ്ച നടത്തി.
ഇരു രാജ്യങ്ങളും തമ്മിലുള്ള ഊഷ്മളവും ശക്തവുമായ ബന്ധം അനുസ്മരിച്ച ഇരു നേതാക്കളും മേഖലയിലും ആഗോളതലത്തിലും നടക്കുന്ന സംഭവ വികാസങ്ങൾ വിലയിരുത്തി. ഖത്ത൪ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് ഹമദ് ബിൻ ജാസിം ബിൻ ജബ൪ ആൽഥാനിയും ഏതാനും മന്ത്രിമാരും ഈജിപ്തിനെ പ്രതിനിധീകരിച്ച് പ്രധാനമന്ത്രി ഡോ. ഹിഷാം ഖിൻധീലും ഏതാനും മന്ത്രിമാരും കൂടിക്കാഴ്ചയിൽ സംബന്ധിച്ചു.