ദേവസ്വം ഓര്‍ഡിനന്‍സ്: വോട്ടവകാശം വിശ്വാസികള്‍ക്ക് മാത്രം

തിരുവനന്തപുരം: തിരുവിതാംകൂ൪-കൊച്ചി-മലബാ൪ ദേവസ്വം ബോ൪ഡുകൾ പുന$സംഘടിപ്പിക്കാൻ നിയമദേഭഗതി വരുത്തിയ ഓ൪ഡിനൻസുകൾക്ക്് മന്ത്രിസഭാ യോഗം അംഗീകാരം നൽകി. ദൈവവിശ്വാസമുള്ള എം.എൽ.എമാ൪ക്ക് മാത്രമേ വോട്ടവകാശമുള്ളൂ. മൂന്ന് അംഗങ്ങളിൽ രണ്ടംഗങ്ങളെ സ൪ക്കാ൪ നോമിനേറ്റ് ചെയ്യും. ഒരംഗത്തെ എം.എൽ.എമാ൪ തെരഞ്ഞെടുക്കും. ഇതിനായി ട്രാവൻകൂ൪-കൊച്ചിൻ ഹിന്ദു റിലീജിയസ് ഇൻസ്റ്റിറ്റ്യൂഷൻ ആക്ട്, മദ്രാസ് ഹിന്ദു റിലീജിയസ് ആൻഡ് ചാരിറ്റബിൾ എൻഡോവ്മെൻറ് ആക്ട് എന്നിവയിലാണ് ഭേദഗതി വരികയെന്ന് മുഖ്യമന്ത്രി ഉമ്മൻചാണ്ടി വാ൪ത്താസമ്മേളനത്തിൽ പറഞ്ഞു.
എം.എൽ.എമാരുടെ നിയോജക മണ്ഡലത്തിൽ നിന്നുള്ള അംഗത്തെ തെരഞ്ഞെടുക്കാൻ വിശ്വാസികളായ എം.എൽ.എമാ൪ക്ക് വോട്ടവകാശമുണ്ടാകും. ദൈവനാമത്തിലല്ലാതെ എം.എൽ.എമാരായി സത്യപ്രതിജ്ഞ ചെയ്തവ൪ക്കും വോട്ട് ചെയ്യാം. പക്ഷേ വിശ്വാസികളാണെന്ന് പ്രഖ്യാപിക്കണമെന്നാണ് വ്യവസ്ഥയെന്ന് മുഖ്യമന്ത്രി പറഞ്ഞു.
ഹിന്ദു വിഭാഗത്തിൽപെട്ട എം.എൽ.എമാരുടെ എണ്ണം പ്രതിപക്ഷത്താണ് കൂടുതൽ എന്നതിനാലാണ് ഈശ്വര വിശ്വാസമുണ്ടെന്ന് സത്യവാങ്മൂലം നൽകണമെന്ന് വ്യവസ്ഥ വെച്ചിരിക്കുന്നത്. ഇടത് എം.എൽ.എമാരെ പ്രതിസന്ധിയിലാക്കാനും വിജയം ഉറപ്പാക്കാനുമാണ് ഈ വ്യവസ്ഥ സ൪ക്കാ൪ കൊണ്ടുവന്നത്. നേരത്തെ പട്ടിക വിഭാഗത്തിനും വനിതക്കും ഒരോ സംവരണം ഉണ്ടായിരുന്നു. അതിൽ മാറ്റം വരുത്തി വനിതാ സംവരണം ഒഴിവാക്കി. പട്ടിക വിഭാഗ അംഗം വനിതയുമാകാം. ഈ അംഗത്തെയാകും എം.എൽ.എമാ൪ തെരഞ്ഞെടുക്കുക. ദേവസ്വം ബോ൪ഡുകളുടെ കാലാവധി രണ്ട് വ൪ഷമായി കുറയ്ക്കും. നിലവിൽ മൂന്ന് വ൪ഷമായിരിക്കുന്നു. ദേവസ്വം റിക്രൂട്ട്മെൻറ് ബോ൪ഡിന് രൂപം നൽകാനും ഓ൪ഡിനൻസിൽ വ്യവസ്ഥയുണ്ട്. നവംബ൪ ആദ്യത്തോടെ പുതിയ ദേവസ്വം ബോ൪ഡ് പ്രാബല്യത്തിൽ വന്നേക്കും.
ഓ൪ഡിനൻസ് കൊണ്ടു വരാൻ നേരത്തെ യു.ഡി.എഫ് സ൪ക്കാറിന് അനുമതി നൽകിയിരുന്നു. കുറഞ്ഞ പ്രായപരിധി 50ൽ നിന്ന് 45 വയസ്സായി പുന൪നി൪ണയിച്ചിട്ടുണ്ട്.
മുതി൪ന്ന കോൺഗ്രസ് നേതാവ് അഡ്വ. എം.പി. ഗോവിന്ദൻ നായരെയാണ് തിരുവിതാംകൂ൪ ദേവസ്വം ബോ൪ഡ് പ്രസിഡൻറാക്കാൻ ഉദ്ദേശിക്കുന്നത്. എൻ.എസ്.എസിൻെറ പ്രതിനിധിയാണ് അദ്ദേഹം. പൊതുവിഭാഗത്തിൽ എസ്.എൻ.ഡി.പിയുടെ നോമിനിയുമുണ്ടാകും.

അതിനിടെ ദേവസ്വം ഓ൪ഡിനൻസിന് അംഗീകാരം നൽകരുതെന്നാവശ്യപ്പെട്ട് പ്രതിപക്ഷനേതാവ് വി.എസ്.അച്യുതാനന്ദൻ ഗവ൪ണ൪ക്ക് കത്ത് നൽകി.
വനിതാസംവരണം നി൪ത്തലാക്കിയ നടപടി തെറ്റാണെന്നും വി.എസ് കത്തിൽ പറഞ്ഞു.