ടോംജോസ് സിംഗപ്പൂര്‍ കമ്പനിയുമായി ചര്‍ച്ച നടത്തിയതെന്തിനെന്ന് രാജീവ് എം.പി

തിരുവനന്തപുരം: കൊച്ചി മെട്രോ വിഷയത്തിൽ സിംഗപ്പൂ൪ കമ്പനിയുമായി ടോം ജോസ് ച൪ച്ച നടത്തിയത് എന്തിനെന്ന് വ്യക്തമാക്കണമെന്ന് പി.രാജീവ് എം.പി. ച൪ച്ച നടത്താൻ സ൪ക്കാ൪ ടോംജോസിനെ ചുമതലപ്പെടുത്തിയിട്ടുണ്ടോ എന്നും കൊച്ചി മെട്രോ ഡി.എം.ആ൪.സിക്ക് തന്നെ നൽകാൻ തീരുമാനിച്ചെങ്കിൽ എന്തിനായിരുന്നു ഈ നീക്കമെന്നും രാജീവ് വാ൪ത്താസമ്മേളനത്തിൽ ചോദിച്ചു.
മുഖ്യമന്ത്രി അറിയാതെ ഇതൊന്നും നടക്കില്ല. താൻ അറിഞ്ഞല്ല ഈ നീക്കങ്ങളെന്ന് മുഖ്യമന്ത്രി പറയുന്നത് ശരിയല്ല. ഡി.എം.ആ൪.സിയെയും ശ്രീധരനെയും പുകച്ച് ചാടിക്കാൻ ശ്രമം നടത്തിയത് മുഖ്യമന്ത്രി തന്നെയാണ്. ഒരു ഉദ്യോഗസ്ഥനോട് വിശദീകരണം ചോദിച്ചതുകൊണ്ടു മാത്രം ഇത് അവസാനിക്കില്ലെന്നും രാജീവ് പറഞ്ഞു.