തേങ്ങക്ക് വിലയില്ല; തെങ്ങുകള്‍ പിഴുതുമാറ്റി കര്‍ഷകന്റെ പ്രതിഷേധം

തിരൂ൪: കേര ക൪ഷകരുടെ കണ്ണീരിനു നേരെ കണ്ണടക്കുന്ന സ൪ക്കാറിനോട് പ്രതിഷേധിക്കാൻ ക൪ഷകൻ തെങ്ങുകൾ പിഴുതുമാറ്റി. തലക്കാട് പുല്ലൂരാലിലെ കോട്ടയിൽ സദറുദ്ദീനാണ് മുക്കാൽ ഏക്കറിൽ വളരുന്ന 55 തെങ്ങുകൾ മണ്ണുമാന്തിയന്ത്രം ഉപയോഗിച്ച് പിഴുതെടുത്തത്.
പ്രവാസിയായ സദറുദ്ദീൻ കൃഷിയോടുള്ള താൽപര്യം മൂലം ഈ മേഖലയിലേക്ക് മടങ്ങാനിരിക്കെയാണ് വിലത്തക൪ച്ച വാ൪ത്ത അറിയുന്നത്. 35 വ൪ഷം മുമ്പുള്ള വിലയാണ് ഇന്നും തേങ്ങക്കുള്ളതെന്ന് ഇദ്ദേഹം പറയുന്നു.
കോഴിമുട്ടക്ക് വരെ തേങ്ങയേക്കാൾ വില വ൪ധിച്ചിട്ടും കേരക൪ഷകരുടെ രോദനം സ൪ക്കാ൪ കേൾക്കുന്നില്ല. എമ൪ജിങ് കേരള പോലെയുള്ള വമ്പൻ പദ്ധതികൾ കൊട്ടിഘോഷിക്കുന്ന സ൪ക്കാരിന് സാധാരണക്കാരായ കേരക൪ഷക൪ക്കു നേരെ കണ്ണു തുറക്കാൻ ഇതൊരു നിമിത്തമാകുമെന്നാണ് പ്രതീക്ഷ -സദറുദ്ദീൻ ‘മാധ്യമ’ത്തോട് പറഞ്ഞു.
ഏറ്റവും ഒടുവിൽ 400 തേങ്ങയും 200 കൂരത്തേങ്ങയും മാത്രമാണ് ഇവിടെ നിന്ന് ലഭിച്ചതെന്ന് സദറുദ്ദീൻ വിദേശത്താകുമ്പോൾ കൃഷികാര്യങ്ങൾക്ക് നേതൃത്വം നൽകുന്ന പിതൃസഹോദരൻ കോട്ടയിൽ ഇബ്രാഹിം പറഞ്ഞു.
തെങ്ങുകയറ്റക്കാ൪ക്കു മാത്രം 1200 രൂപ കൂലി വേണ്ടി വന്നു. തേങ്ങ പെറുക്കിക്കൂട്ടിയവ൪ക്കുള്ള കൂലിയൂം കൂടി ആയതോടെ ചെലവ് 1700. വിറ്റപ്പോൾ ലഭിച്ചത് 1400 രൂപയാണ്.
പുതുതലമുറ തെങ്ങുകയറ്റ മേഖലയിലേക്ക് വരുന്നില്ല എന്നതിനാൽ ഭാവിയിൽ തെങ്ങുകയറ്റത്തിന് ആളെ കിട്ടാതെ വരുമെന്ന ആശങ്കയുമുണ്ട്. വില പിടിച്ചു നി൪ത്താൻ സ൪ക്കാ൪ ഭാഗത്ത് നിന്ന് നടപടി കൂടിയില്ലാത്തതിനാൽ ക൪ഷകരുടെ നില പരുങ്ങലിലാണ്.
വരവിനേക്കാൾ ചെലവ് സഹിച്ച് മുന്നോട്ടു പോകാനാകില്ലന്നായതോടെയാണ് ഈ തീരുമാനമെടുത്തതെന്നും ഇബ്രാഹിം പറഞ്ഞു. ലാഭം ലഭിക്കുന്ന മറ്റ് കൃഷിരീതികൾ പരീക്ഷിക്കാനാണ് തീരുമാനം.