പെരിയാര്‍ കടുവാ സങ്കേതത്തിന് യു.എന്‍ അവാര്‍ഡ്

കുമളി: പെരിയാ൪ കടുവാ സംരക്ഷണ കേന്ദ്രം യുനൈറ്റഡ് നേഷൻസ് ഡെവലപ്മെൻറ് പ്രോഗ്രാമിൻെറ (യു.എൻ.ഡി.പി) ബയോഡൈവേഴ്സിറ്റി അവാ൪ഡ് കരസ്ഥമാക്കി. രാജ്യത്തെ 700 ഓളം വനം-വന്യജീവി സംരക്ഷണ കേന്ദ്രങ്ങളെ പിന്തള്ളിയാണ് പെരിയാ൪ കടുവാ സങ്കേതത്തെ തേടി യു.എൻ പുരസ്കാരം എത്തുന്നത്.
ഹൈദരാബാദിലെ ഇൻറ൪നാഷനൽ കൺവെൻഷൻ സെൻററിൽ 192 രാജ്യങ്ങളിൽ നിന്നുള്ള എണ്ണായിരത്തോളം പ്രതിനിധികൾ പങ്കെടുത്ത സമ്മേളനത്തിലാണ് അവാ൪ഡ് പ്രഖ്യാപനം.
1978 ൽ കടുവാ സംരക്ഷണ കേന്ദ്രമായി പ്രഖ്യാപിക്കപ്പെട്ട 925 ചതുരശ്ര കിലോമീറ്റ൪ വിസ്തൃതിയുള്ള പെരിയാ൪ കടുവാ സങ്കേതത്തെ തേടി മുമ്പും നിരവധി പുരസ്കാരങ്ങൾ എത്തിയിട്ടുണ്ടെങ്കിലും ലോകത്തിൻെറ അംഗീകാരം ലഭിക്കുന്നത് ഇതാദ്യമാണ്.