കശ്മീരില്‍ പാക് സൈന്യത്തിന്‍െറ വെടിവെപ്പില്‍ രണ്ട് മരണം

ശ്രീനഗ൪: നിയന്ത്രണ രേഖയിൽ പാകിസ്താൻ സൈന്യം നടത്തിയ വെടിവെപ്പിൽ രണ്ട് സിവിലിയന്മാ൪ കൊല്ലപ്പെട്ടു. ജമ്മു കശ്മീരിൽ ബാരാമുല്ല ജില്ലയിലെ ഉറി മേഖലയിൽ ഇന്ത്യ പാക് അതി൪ത്തിയിലാണ് പാക് സൈന്യം വെടിവെച്ചതെന്ന് സൈന്യം അറിയിച്ചു.
പാക് സൈന്യത്തിൻെറ ആക്രമണത്തിൽ രണ്ട് സിവിലിയന്മാ൪ കൊല്ലപ്പെട്ടതായി പ്രതിരോധ മന്ത്രാലയം വക്താവ് ലെഫ്റ്റ. കേണൽ ജെ.എസ് ബ്രാ൪ സ്ഥിരീകരിച്ചു. കഴിഞ്ഞ ഒക്ടോബ൪ മൂന്നു മുതൽ പാക് സൈന്യം ഉറിയിൽ വെടിനി൪ത്തൽ കരാ൪ ഇടക്കിടെ ലംഘിക്കുന്നുണ്ടെന്നും അദ്ദേഹം പറഞ്ഞു.
ഈ മാസം തന്നെ ജമ്മു മേഖലയിലെ സാംബ ജില്ലയിൽ പാക് സൈന്യം നടത്തിയ ആക്രമണത്തിൽ രണ്ട് ഗ്രാമീണ൪ക്ക് പരിക്കേറ്റിരുന്നു. ജമ്മുവിലെ അന്താരാഷ്ട്ര അതി൪ത്തിയിലും ഒരു മാസത്തിനിടെ നിരവധി തവണ വെടിനി൪ത്തൽ കരാ൪ പാക് സൈന്യം ലംഘിച്ചിരുന്നു.