കൊള്ളപ്പലിശക്ക് പണം നല്‍കിയയാള്‍ പിടിയില്‍

ഇരിങ്ങാലക്കുട: കൊള്ളപ്പലിശക്ക് പണം നൽകിയയാളെ ഇരിങ്ങാലക്കുട എസ്.ഐ അനിൽകുമാ൪ ടി. മേപ്പിള്ളിയും സംഘവും അറസ്റ്റ് ചെയ്തു. ഇരിങ്ങാലക്കുട ഗാന്ധിഗ്രാം സ്വീറ്റ് ബസാറിൽ താമസിക്കുന്ന കരപറമ്പിൽ പോളിയെയാണ് അറസ്റ്റ് ചെയ്തത്.
രഹസ്യവിവരത്തിൻെറ അടിസ്ഥാനത്തിലായിരുന്നു അറസ്റ്റ്. വീട്ടിൽ നിന്ന് നിരവധി ബ്ളാങ്ക് ചെക്കുകളും മുദ്രപ്പത്രങ്ങളും മറ്റു രേഖകളും കണ്ടെടുത്തു. വാതസംബന്ധമായ അസുഖമുള്ളതിനാൽ മറ്റ് ജോലികൾ ചെയ്യാൻ സാധിക്കാത്തതിനാലാണ് വലിയ പലിശക്ക് പണം നൽകിയിരുന്നതെന്ന് പൊലീസിനോട് പറഞ്ഞു.