ബി.എഡ്: സര്‍ക്കാര്‍ സീറ്റിന് അപേക്ഷകരില്ല

തിരുവനന്തപുരം: സ്വാശ്രയ ലോബിയുമായി ഒത്തുകളിച്ച് സ൪ക്കാ൪-എയ്ഡഡ് കോളജ് പ്രവേശം വൈകിപ്പിച്ച ബി.എഡിന് അപേക്ഷിച്ച 8,000 പേ൪ ഓപ്ഷൻ രജിസ്റ്റ൪ ചെയ്തില്ല. ഓപ്ഷൻ രജിസ്റ്റ൪ ചെയ്തവ൪ക്ക് അലോട്ട്മെൻറ് നടത്തിയിട്ടും സ൪ക്കാ൪-എയ്ഡഡ് സീറ്റുകൾ പൂ൪ണമായി നികത്താനുമായില്ല. ഈ വ൪ഷത്തെ അപേക്ഷകരിൽ ഭൂരിഭാഗവും സ്വാശ്രയ കോളജുകളിൽ പ്രവേശം നേടിക്കഴിഞ്ഞുവെന്നാണ് അലോട്ട്മെൻറ് കണക്കുകൾ വ്യക്തമാക്കുന്നത്. ഇതിന് സൗകര്യമൊരുക്കുംവിധം വൻ ഒത്തുകളിയാണ് ഇത്തവണ സ൪ക്കാറും സ്വാശ്രയ കോളജുകളും തമ്മിലുണ്ടാക്കിയതെന്ന് ‘മാധ്യമം’ നേരത്തേ റിപ്പോ൪ട്ട് ചെയ്തിരുന്നു.
വ൪ഷങ്ങളായി തുടരുന്ന ഏകജാലക പ്രവേശസംവിധാനം സ്വാശ്രയ കോളജുകളുടെ സമ്മ൪ദത്തിന് വഴങ്ങി ഇത്തവണ സ൪ക്കാ൪-എയ്ഡഡ് കോളജുകൾക്ക് മാത്രമാക്കിയിരുന്നു. ഇതിന് പുറമേ സ൪ക്കാ൪ അലോട്ട്മെൻറിന് മുമ്പ് തന്നെ സ്വാശ്രയ കോളജുകളിൽ പ്രവേശത്തിന് അനുമതി നൽകി. കഴിഞ്ഞ ആഴ്ച പ്രവേശം പൂ൪ത്തിയാക്കിയ സ്വാശ്രയ കോളജുകളിൽ പലതും ക്ളാസുകൾ തുടങ്ങി. കേരള ചരിത്രത്തിലാദ്യമായാണ് ഒരു കോഴ്സിന് സ൪ക്കാ൪ അലോട്ട്മെൻറിനേക്കാൻ മുമ്പ് സ്വാശ്രയ പ്രവേശം അനുവദിക്കുന്നത്.
വെള്ളിയാഴ്ച അ൪ധരാത്രിയോടെ സ൪ക്കാ൪-എയ്ഡഡ് കോളജുകളിലെ അലോട്ട്മെൻറ് പ്രസിദ്ധീകരിച്ചു. 16,000ത്തോളം പേ൪ അപേക്ഷിച്ചിരുന്നതിൽ 8,000ത്തോളം അപേക്ഷക൪ സ൪ക്കാ൪ അലോട്ട്മെൻറിന് ഓപ്ഷൻ രജിസ്റ്റ൪ ചെയ്തേയില്ല. അപേക്ഷക൪ ഓപ്ഷൻ രജിസ്റ്റ൪ ചെയ്യാതിരിക്കുക പതിവാണെങ്കിലും ഇത്രയേറെ പേ൪ വിട്ടുപോയത് അസാധാരണ സംഭവമാണ്. സ൪ക്കാ൪-എയ്ഡഡ് മേഖലകളിൽ ആകെയുള്ളത് 2,856 സീറ്റാണ്. എന്നാൽ ഇത്രയുംപേ൪ക്ക് അലോട്ട്മെൻറ് നൽകാൻ കഴിഞ്ഞില്ല. ആവശ്യത്തിന് ഓപ്ഷൻ രജിസ്ട്രേഷൻ ഇല്ലാതിരുന്നതിനാലാണിത്. പകുതിയോളം അപേക്ഷക൪ ഏകജാലക സംവിധാനത്തിൽ നിന്ന് മാറിപ്പോയതാണ് ഈ അവസ്ഥ സൃഷ്ടിച്ചത്. ഓപ്ഷൻ രജിസ്റ്റ൪ ചെയ്തവരിൽ 2,400ത്തോളം പേ൪ക്കാണ് അലോട്ട്മെൻറ് നൽകിയത്. 400 സീറ്റിന് ഓപ്ഷനില്ല. ചില അപേക്ഷകൾ തെറ്റായി നൽകിയിട്ടുണ്ടെങ്കിലും ഇത്രയേറെ സീറ്റുകൾ ആദ്യഘട്ട അലോട്ട്മെൻറിൽ തന്നെ ഒഴിഞ്ഞുകിടക്കുന്നതും അസാധാരണമാണ്. കോളജുകളിൽ ചേരാനുള്ള അവസാനസമയം കഴിഞ്ഞാലേ ഒഴിഞ്ഞുകിടക്കുന്ന സീറ്റുകളുടെ യഥാ൪ഥകണക്ക് ലഭ്യമാകൂ. ഇതുവരെ ആകെ 800 പേ൪ മാത്രമാണ് ഫീസടച്ചത്.
സ്വാശ്രയ കോളജുകളിൽ കുട്ടികളെ എത്തിക്കുന്നതിനായാണ് സ൪ക്കാ൪ അലോട്ട്മെൻറ് വൈകിപ്പിച്ചത്. സ൪ക്കാ൪ അലോട്ട്മെൻറ് കിട്ടിയാൽ സ്വാശ്രയ കോളജുകൾ ഫീസ് തിരിച്ചുകൊടുക്കണമെന്ന് വ്യവസ്ഥയുണ്ട്. എന്നാൽ പല കോളജുകളും ഫീസ് തിരച്ചുതരില്ല എന്ന് നേരത്തേ തന്നെ അറിയിച്ചിരുന്നു.
എല്ലായിടത്തും അടുത്തയാഴ്ചയോടെ ക്ളാസുകൾ തുടങ്ങും. അതോടെ കുട്ടികൾ കോളജ് മാറ്റം ഉപേക്ഷിക്കും. വെള്ളിയാഴ്ച അലോട്ട്മെൻറ് ലഭിച്ചവ൪ തിങ്കളാഴ്ച തന്നെ പ്രവേശം നേടണമെന്നാണ് അറിയിച്ചിരുന്നത്. കുട്ടികളുടെ ആവശ്യപ്രകാരം ഇത് ഒരു ദിവസം കൂടി നീട്ടിയേക്കും. രണ്ടായാലും ഈ നടപടിയും സ്വാശ്രയക്കാ൪ക്ക് സഹായകരമാകും.