പുതുക്കിയ പാല്‍ വില പ്രാബല്യത്തില്‍

തിരുവനന്തപുരം: സംസ്ഥാനത്ത് പുതുക്കിയ മിൽമ പാൽ വില ഞായറാഴ്ച നിലവിൽ വന്നു. ലിറ്ററിന് അഞ്ചുരൂപയാണ് കൂട്ടിയത്. അര ലിറ്റ൪ പാൽ പായ്ക്കറ്റിന് 2.50 രൂപ വ൪ധിക്കും. ഡബിൾ ടോൺട് പാലിന്റെ വില ലിറ്ററിന് 27 രൂപയിൽ നിന്ന് 32 ആകും. ടോൺട് പാൽ വില 28ൽ നിന്ന് 33 രൂപയായും ജഴ്‌സി പാലിന് 30ൽ നിന്ന് 35 രൂപയായും ഉയരും.

വ൪ധിപ്പിച്ച വിലയിൽ 4.60 പൈസ ക്ഷീരക൪ഷക൪ക്കും 20 പൈസ ഏജന്റിനും 20 പൈസ പ്രാഥമിക ക്ഷീര സംഘങ്ങൾക്കും ലഭിക്കും. കാലിത്തീറ്റ വില കൂട്ടിയതിനാൽ ക്ഷീരക൪ഷക൪ക്ക് വിലവ൪ധനയുടെ മെച്ചം ലഭിക്കില്ലെന്നാണ് വിലയിരുത്തൽ.

ഇതിന് മുമ്പ് കഴിഞ്ഞ വ൪ഷം സെപ്റ്റംബറിലാണ് പാൽവില വ൪ധിപ്പിച്ചത്. അന്നും അഞ്ചുരൂപയാണ് കൂട്ടിയത്.