മാല തട്ടാന്‍ ശ്രമിച്ച യുവാവിനെ പിന്തുടര്‍ന്ന് പിടികൂടി

കോഴിക്കോട്: ബൈക്കിലെത്തി വീട്ടമ്മയുടെ മാല പൊട്ടിക്കാൻ ശ്രമിച്ച യുവാവിനെ നാട്ടുകാ൪ പിന്തുട൪ന്ന് പിടികൂടി പൊലീസിൽ ഏൽപിച്ചു. നല്ലളം സ്വദേശി ഹാറൂൺ ലത്തീഫാണ് (21) അറസ്റ്റിലായത്. കുതിരവട്ടം ആശുപത്രിയിലെ ജീവനക്കാരി വീടിൻെറ മുറ്റം അടിച്ചുവാരുന്നതിനിടെ യുവാവ് മാല പൊട്ടിച്ച് രക്ഷപ്പെടാൻ ശ്രമിക്കുകയായിരുന്നു. ഇതുകണ്ട വീട്ടമ്മയുടെ മകൻ ബൈക്കിൽ പിന്തുട൪ന്ന് യുവാവിനെ തടഞ്ഞു. ബൈക്ക് നിയന്ത്രണം വിട്ട് മറിഞ്ഞ് റോഡിൽ വീണ യുവാവിനെ വീട്ടമ്മയുടെ മകനും നാട്ടുകാരും ചേ൪ന്ന് പിടികൂടി. മെഡി. കോളജ് സി.ഐ പ്രേമദാസിൻെറ നേതൃത്വത്തിൽ തെളിവെടുപ്പുനടത്തി.