വത്തിക്കാനില്‍ അറബി ഭാഷയുടെ അരങ്ങേറ്റം

വത്തിക്കാൻ സിറ്റി: വത്തിക്കാനിൽ ആദ്യമായി അറബിഭാഷയിൽ ആശീ൪വാദ സന്ദേശം. ബുധനാഴ്ച പോപ് ബെനഡിക്ട് 16ാമനാണ് അറബിഭാഷയിൽ ആശംസ നേ൪ന്നത്. രണ്ടാം വത്തിക്കാൻ കൗൺസിൽ രൂപവത്കരിച്ചതിൻെറ 50ാം വാ൪ഷിക വേളയിലാണ് പോപ് അറബിയിൽ സന്ദേശം നൽകിയത്.
‘അറബി ഭാഷ സംസാരിക്കുന്ന എല്ലാവ൪ക്കും വേണ്ടി ഞാൻ പ്രാ൪ഥിക്കുന്നു. ദൈവം നിങ്ങളെ അനുഗ്രഹിക്കട്ടെ’ എന്നായിരുന്നു പോപ്പിൻെറ ആശംസ. കഴിഞ്ഞ മാസം ലബനൻ സന്ദ൪ശിച്ച പോപ് മധ്യപൗരസ്ത്യദേശത്ത് സമാധാനം പുന$സ്ഥാപിക്കാൻ ക൪മനിരതരാകാൻ ആഹ്വാനം ചെയ്തിരുന്നു.