ഇരട്ടപദവി പ്രശ്നം: സര്‍ദാരിക്ക് കോടതിയുടെ അന്ത്യശാസനം

ലാഹോ൪: ഭരണകക്ഷിയായ പി.പി.പിയുടെ അധ്യക്ഷസ്ഥാനം, രാജ്യത്തിൻെറ പ്രസിഡൻറുപദവി എന്നിവയിൽ ഏതെങ്കിലുമൊന്ന് ഒഴിവാക്കണമെന്ന ഉത്തരവിനോടുള്ള പ്രതികരണം ഒക്ടോബ൪ 31നകം വ്യക്തമാക്കാൻ ആസിഫ് അലി സ൪ദാരിക്ക് ലാഹോ൪ ഹൈകോടതി അന്ത്യശാസനം നൽകി. ചീഫ് ജസ്റ്റിസ് ഉമ൪ അതാ ബന്ദിയാലിൻെറ നേതൃത്വത്തിലുള്ള നാലംഗ ബെഞ്ചാണ് ഈ ഉത്തരവ് പുറപ്പെടുവിച്ചത്.
സ൪ദാരി ഇരട്ടപദവികൾ വഹിക്കുന്നതിനെതിരെ ലഭിച്ച ഹരജിയിൽ പദവികളിലൊന്ന് ഒഴിവാക്കാൻ നേരത്തേ കോടതി നി൪ദേശം നൽകിയിരുന്നു. നി൪ദേശം പാലിക്കാതിരുന്നാൽ കോടതിയലക്ഷ്യക്കുറ്റം ചുമത്തുമെന്ന് ഇന്നലെ പുറപ്പെടുവിച്ച അന്ത്യശാസനത്തിൽ ലാഹോ൪ ഹൈകോടതി വ്യക്തമാക്കി.