ഇരുചക്രവാഹനങ്ങളില്‍ നിന്ന് പെട്രോള്‍ മോഷ്ടിക്കുന്നു

മട്ടാഞ്ചേരി: പശ്ചിമകൊച്ചിയിൽ ഇരുചക്ര വാഹനങ്ങളിൽ നിന്ന് പെട്രോൾ ഊറ്റൽ വ്യാപകമാകുന്നു. മട്ടാഞ്ചേരി ഫോ൪ട്ടുകൊച്ചി പള്ളുരുത്തി പ്രദേശങ്ങളിൽ രാത്രിയിലാണ് മോഷണം പതിവാകുന്നത്. വീടുകളിലും വഴിയോരങ്ങളിലും പാ൪ക്ക് ചെയ്യുന്ന വാഹനങ്ങളെ കേന്ദ്രീകരിച്ചാണ് മോഷണം. കഴിഞ്ഞദിവസം അമരാവതി, താമരപറമ്പ് പ്രദേശങ്ങളിലെ പത്തോളം ബൈക്കുകളിൽ നിന്നാണ് പെട്രോൾ ഊറ്റിയതായി പരാതി ഉയ൪ന്നത്. ഞായറാഴ്ച ചിറളായി ഭാഗത്തുള്ള അഞ്ചോളം വാഹനങ്ങളിൽ നിന്ന് പെട്രോൾ മോഷണം പോയി. ഒഴിവുദിനങ്ങൾ മുന്നിൽക്കണ്ട് കൂടുതൽ ഇന്ധനം നിറച്ചവരെയാണ് മോഷണം വലക്കുന്നത്.