ബൈക്കിലെത്തിയ യുവാവ് വീട്ടമ്മയുടെ പത്ത് പവന്‍െറ മാല കവര്‍ന്നു

ഇരിങ്ങാലക്കുട: ബൈക്കിലെത്തിയ യുവാവ് വീട്ടമ്മയുടെ പത്ത് പവൻെറ സ്വ൪ണമാല കവ൪ന്നു. വെള്ളിയാഴ്ച വൈകീട്ട് മൂന്നിന് ഇരിങ്ങാലക്കുട ചെട്ടിപ്പറമ്പിലെ വൺവേ റോഡിലാണ് സംഭവം.
ഇരിങ്ങാലക്കുട ചെട്ടിപ്പറമ്പ് മാരാത്ത് സന്തോഷിൻെറ ഭാര്യ സൗമ്യയുടെ മാലയാണ് നഷ്ടപ്പെട്ടത്. തൃശൂരിലെ സ്വകാര്യ സ്ഥാപനത്തിൽ ജോലി ചെയ്യുന്ന സൗമ്യ ഇരിങ്ങാലക്കുട സഹകരണാശുപത്രിയിൽ ഡോക്ടറെ കണ്ടതിന് ശേക്ഷം നഗരസഭാ ബസ് സ്റ്റാൻഡിൽ ബസിറങ്ങി വീട്ടിലേക്ക് നടന്ന് പോകുന്നതിനിടെയാണ് ഹെൽമറ്റ് ധരിക്കാതെ ബൈക്കിലെത്തിയ കറുത്ത് തടിച്ച യുവാവ് മാലപൊട്ടിച്ചെടുത്തത്. ഇരിങ്ങാലക്കുട പൊലീസിൽ പരാതി നൽകി.