യുവതിയെ മാനഭംഗപ്പെടുത്തിയ നാലുപേര്‍ക്ക് മൂന്നുവര്‍ഷം തടവ്

അബൂദബി: യുവതിയെ കാറിൽ കൂട്ടിക്കൊണ്ടുപോയി കൂട്ട മാനഭംഗത്തിനിരയാക്കിയ കേസിൽ നാലുപേ൪ക്ക് മൂന്നു വ൪ഷം തടവ്. രണ്ട് സ്വദേശികൾക്കും ഒമാനിക്കും സൗദിക്കാരനുമാണ് അബൂദബി കോടതി ശിക്ഷ വിധിച്ചത്. നൈറ്റ്ക്ളബിൽ നിന്ന് പരിചയപ്പെട്ട യുവതിയെ വീട്ടിലെത്തിക്കാമെന്ന് പറഞ്ഞ് കൂട്ടിക്കൊണ്ടുപോയ രണ്ടുപേ൪ കാറിൽ വെച്ച് മാനഭംഗപ്പെടുത്തി. വാഹനം മരുഭൂമിയിലെത്തിയപ്പോൾ മറ്റു രണ്ടുപേ൪ കൂടി യുവതിയെ പീഡിപ്പിച്ചു. യുവതിയുടെ കൈയിലുണ്ടായിരുന്ന വസ്തുക്കളെല്ലാം കൊള്ളയടിച്ച സംഘം വഴിയിൽ ഉപേക്ഷിച്ച് കടക്കുകയായിരുന്നു.