ഗുരുദ്വാര വെടിവെപ്പ്: മരിച്ചവരുടെ ബന്ധുക്കളെ മന്ത്രി കൃഷ്ണ സന്ദര്‍ശിച്ചു

ന്യൂയോ൪ക്: അമേരിക്കയിലെ വിസ്കോൺസൻ ഓക് ക്രീക് ഗുരുദ്വാരയിൽ ആഗസ്റ്റ് അഞ്ചിനുണ്ടായ വെടിവെപ്പിൽ കൊല്ലപ്പെട്ടവരുടെ ബന്ധുക്കളെ വിദേശകാര്യ മന്ത്രി എസ്.എം. കൃഷ്ണ സന്ദ൪ശിച്ചു. വെടിവെപ്പിൽ ഗുരുതരമായി പരിക്കേറ്റ് മിൽവാകീ നഗരത്തിലെ ആശുപത്രിയിൽ അബോധാവസ്ഥയിൽ കഴിയുന്ന സിഖ് പുരോഹിതൻ പഞ്ചാബ് സിങ്ങിനെ അദ്ദേഹം സന്ദ൪ശിച്ചു.
അഞ്ചുപേ൪ മരിക്കുകയും മൂന്നുപേ൪ക്ക് പരിക്കേൽക്കുകയും ചെയ്ത സംഭവത്തെ അപലപിച്ച കൃഷ്ണ ഇത്തരം ആക്രമണം നടത്തുന്നവ൪ക്കെതിരെ യു.എസുമായി ചേ൪ന്ന് ശക്തമായ നടപടി സ്വീകരിക്കുമെന്നും അദ്ദേഹം പറഞ്ഞു.
മിൽവാകീയിലെ ഗുരുദ്വാരയിൽ 300ഓളം സിഖ് മതവിശ്വാസികളെയും അദ്ദേഹം അഭിസംബോധന ചെയ്തു. ഗുരുദ്വാര ആക്രമണത്തിൽ നടപടി സ്വീകരിക്കുമെന്ന് യു.എസ് സ്റ്റേറ്റ് സെക്രട്ടറി ഹിലരി ക്ളിൻറൻ കഴിഞ്ഞദിവസം നടത്തിയ ച൪ച്ചയിൽ തനിക്ക് ഉറപ്പുനൽകിയതായി അദ്ദേഹം അറിയിച്ചു.
ഐക്യരാഷ്ട്രസഭയുടെ 67ാമത് വാ൪ഷിക പൊതുസമ്മേളനത്തിൽ പങ്കെടുക്കാൻ എത്തിയതായിരുന്നു കൃഷ്ണ.