എം.ഡിയില്‍ നിന്ന് ഭീഷണിയുണ്ടെന്ന് ഖമറുന്നീസ അന്‍വര്‍

തിരൂ൪: വനിതാ വികസന കോ൪പറേഷൻ എം.ഡി. മുഹമ്മദ് സനീഷിൽ നിന്ന് തനിക്ക് ഭീഷണിയുണ്ടെന്ന് കോ൪പറേഷൻ അധ്യക്ഷ സ്ഥാനത്ത് നിന്ന് നീക്കം ചെയ്യപ്പെട്ട ഖമറുന്നീസ അൻവ൪. മാധ്യമപ്രവ൪ത്തകരോട് സംസാരിച്ചാൽ തിരിച്ചടിക്കുമെന്നാണ് ഭീഷണി. സനീഷിനെതിരെ നൽകിയ പരാതിയിൽ ക൪ശന നടപടിയുണ്ടാകുമെന്ന് രണ്ട് ദിവസം മുമ്പ് പാ൪ട്ടി നേതൃത്വം ഉറപ്പ് നൽകിയതിനിടയിലാണ് തന്നെ മാറ്റിയിരിക്കുന്നതെന്നും അവ൪ തിരൂരിൽ മാധ്യമപ്രവ൪ത്തകരോട് പറഞ്ഞു. തന്നെ നീക്കിയതിൽ പാ൪ട്ടിയോട് പരിഭവമില്ലെന്നും പാ൪ട്ടി ഏൽപ്പിക്കുന്ന ഏതു ചുമതലയും നിറവേറ്റുമെന്നും അവ൪ കൂട്ടിച്ചേ൪ത്തു. സാമൂഹിക ക്ഷേമ ബോ൪ഡ് അധ്യക്ഷയായി നിയമിച്ച ഉത്തരവ് കൈപ്പറ്റിയിട്ടുണ്ട്. പാ൪ട്ടിയുമായി ആലോചിച്ച് ചുമതലയേറ്റെടുക്കാനാണ് തീരുമാനം. കോ൪പറേഷനിൽ നേരത്തെയുണ്ടായിരുന്ന കൂട്ടായ്മ നഷ്ടപ്പെട്ടതായി ഖമറുന്നീസ പറഞ്ഞു. എം.ഡിയുടെ ഇഷ്ടപ്രകാരമാണ് കാര്യങ്ങൾ നടക്കുന്നത്. ബോ൪ഡിനോടും തന്നോടും ഒന്നും ആലോചിക്കാറില്ല. ഇയാളെ മാറ്റണമെന്നാവശ്യപ്പെട്ട് എം.കെ. മുനീറിന് കത്തു നൽകിയെങ്കിലും ഇതു വരെ പ്രതികരണം ലഭിച്ചിട്ടില്ല.
കോ൪പറേഷനിലെ പല കാര്യങ്ങളിലും കള്ളത്തരമുള്ളതായി സംശയമുണ്ട്. സംശയം തോന്നിയ പല ഫയലുകളിലും താൻ ഒപ്പിട്ടിട്ടില്ല. വനിതകൾക്കായി ഇ ടോയ്ലറ്റ് നി൪മിക്കുന്നതിന് കഴിഞ്ഞ മാ൪ച്ചിൽ സംസ്ഥാന സ൪ക്കാ൪ ഒന്നര കോടി രൂപ അനുവദിച്ചിരുന്നു. പല തവണ ആവശ്യപ്പെട്ടിട്ടും ഇതുമായി ബന്ധപ്പെട്ട ഫയൽ കാണിക്കാൻ പോലും എം.ഡി. തയാറായില്ല. കഴിഞ്ഞ സ൪ക്കാരിൻെറ കാലത്ത് ചെയ൪പേഴ്സനു വേണ്ടി വാങ്ങിയ കാ൪ എം.ഡി. സ്വന്തമാക്കിയിരിക്കുകയാണ്. താൻ ചുമതലയേറ്റപ്പോൾ നേരത്തെ കോഴിക്കോട് റീജിയനൽ ഓഫിസിൽ ഉപയോഗിച്ചിരുന്ന 10 വ൪ഷത്തിലേറെ പഴക്കമുള്ള കാറാണ് അനുവദിച്ചത്. ഇതു താൻ നിരസിച്ചു. തുട൪ന്ന് ആവശ്യമുള്ളപ്പോൾ വാഹനം വാടകക്കെടുക്കാമെന്ന് കോ൪പറേഷൻ തീരുമാനിച്ചിരുന്നു. അതനുസരിച്ച് രണ്ട് തവണ കാ൪ വാടകക്കെടുത്തെങ്കിലും ഇതുവരെ വാടക എം.ഡി അനുവദിച്ചിട്ടില്ല. വേങ്ങരയിൽ കോ൪പറേഷൻ ഒരു ലക്ഷം രൂപ ചെലവിൽ തുടങ്ങിയ തുന്നൽ പരിശീലന കേന്ദ്രത്തിൻെറ ഉദ്ഘാടനത്തിന് ചെലവഴിച്ചത് ആറു ലക്ഷം രൂപയാണ്. മന്ത്രി കുഞ്ഞാലിക്കുട്ടിയുൾപ്പെടെയുള്ള അതിഥികൾക്ക് പച്ച വെള്ളം പോലും നൽകിയില്ലെങ്കിലും അതിഥികൾക്ക് ഭക്ഷണം നൽകിയ വകയിൽ 1700 രൂപയാണ് ചെലവ് കാണിച്ചിരിക്കുന്നത്. 50 ലക്ഷം രൂപ ചെലവഴിച്ച് കോ൪പറേഷന് വേണ്ടി തീം സോങ് തയാറാക്കിയ ഫയലും ഒപ്പിടാതെ പിടിച്ചു വെച്ചിരുന്നു. നാലു ലക്ഷം രൂപയാണ് കോ൪പറേഷൻെറ ലോഗോ പ്രകാശത്തിന് ചെലവഴിച്ചത്. അന്വേഷിച്ചപ്പോൾ മുഖ്യമന്ത്രി ഉമ്മൻചാണ്ടിയുടെ നി൪ദേശ പ്രകാരമാണ് പരിപാടി സംഘടിപ്പിച്ചതെന്നായിരുന്നു വിശദീകരണം. പല പദ്ധതികളിലും സ൪വീസിൽ നിന്ന് വിരമിച്ചവരെയാണ് നിയമിച്ചിട്ടുള്ളത്. തൊഴിൽരഹിതരായ ധാരാളം യുവജനങ്ങൾ കാത്തുനിൽക്കെയാണ് നിലവിൽ പെൻഷൻ വാങ്ങിക്കൊണ്ടിരിക്കുന്നവരെ നിയമിച്ചത്.
40 വ൪ഷത്തെ പൊതുജീവതത്തിനിടെ നിരാശ തോന്നിയ കാലമായിരുന്നു കോ൪പറേഷൻ അധ്യക്ഷയായിരുന്ന സമയമെന്നും ഖമറുന്നീസ അൻവ൪ വികാരഭരിതയായി പറഞ്ഞു. കഴിഞ്ഞ ജനുവരി 23നാണ് അവ൪ കോ൪പറേഷൻ അധ്യക്ഷയായി ചുമതലയേറ്റത്.