കൂടങ്കുളം സമരത്തിന് ഫ്രാങ്ക്ഫര്‍ട്ടില്‍ ഐക്യദാര്‍ഢ്യം

ഫ്രാങ്ക്ഫ൪ട്ട്: തമിഴ്നാട്ടിലെ കൂടങ്കുളം ആണവനിലയത്തിനെതിരെ നടക്കുന്ന ജനകീയസമരത്തിന് അന്താരാഷ്ട്രതലത്തിലും പിന്തുണ വ൪ധിക്കുന്നു. ഇതിനകം, ലോക മാധ്യമങ്ങളിൽ ശ്രദ്ധനേടിയ സമരത്തിന് ഐക്യദാ൪ഢ്യം പ്രകടിപ്പിച്ച് കഴിഞ്ഞദിവസം ജ൪മൻ നഗരമായ ഫ്രാങ്ക്ഫ൪ട്ടിൽ ആണവവിരുദ്ധ പ്രവ൪ത്തകരുടെ പ്രതിഷേധ കൂട്ടായ്മ നടന്നു. ഇവിടത്തെ ബിബിലിസ് ആണവനിലയത്തിനെതിരെ സമര രംഗത്തുള്ള ‘ബൈ ബൈ ബിബിലിസ്’ എന്ന സംഘടനയാണ് ഇന്ത്യൻ കോൺസുലേറ്റിന് മുന്നിൽ പ്രതിഷേധ പ്രകടനം നടത്തിയത്. സമരത്തിനിടെ മരിച്ച ആൻറണി ജോൺ, സഹായം ഫ്രാൻസിസ് എന്നിവരുടെ ചിത്രങ്ങളും ഉയ൪ത്തിക്കാണിച്ചാണ് പ്രകടനക്കാ൪ കോൺസുലേറ്റിന് മുന്നിലെത്തിയത്.
ഇന്ത്യയിൽ നടക്കുന്ന ആണവവിരുദ്ധ പോരാട്ടങ്ങൾക്ക് പിന്തുണ പ്രഖ്യാപിച്ച് ഇത് രണ്ടാംതവണയാണ് ഫ്രാങ്ക്ഫ൪ട്ടിൽ ഐക്യദാ൪ഢ്യ സമ്മേളനം നടക്കുന്നത്. കഴിഞ്ഞ മേയ് 20ന് ജയ്താപു൪, കൂടങ്കുളം നിലയങ്ങളുടെ നി൪മാണങ്ങൾ നി൪ത്തിവെക്കണമെന്നാവശ്യപ്പെട്ട് ഇവിടെ ആയിരങ്ങൾ പങ്കെടുത്ത പ്രതിഷേധ പ്രകടനം അരങ്ങേറിയിരുന്നു. മേയിൽതന്നെ, മുതലാളിത്തത്തിനെതിരെ 25,000ത്തിലധികം ആളുകൾ പങ്കെടുത്ത റാലിയിലും കൂടങ്കുളം ഐക്യദാ൪ഢ്യ പ്ളക്കാ൪ഡുകൾ ഉയ൪ന്നിരുന്നു.
പത്തു വ൪ഷത്തിനുള്ളിൽ രാജ്യത്തെ മുഴുവൻ ആണവനിലയങ്ങളും അടച്ചുപൂട്ടാനുള്ള ജ൪മൻ ഭരണകൂടത്തിൻെറ തീരുമാനത്തിന് പിന്നിൽ ‘ബൈ ബൈ ബിബിലിസി’ൻെറ പ്രവ൪ത്തനങ്ങളാണെന്നാണ് വിലയിരുത്തപ്പെടുന്നത്. പാരമ്പര്യേതര ഊ൪ജ സ്രോതസ്സുകളെ കുറിച്ചുള്ള ഗവേഷണവും സംഘടന നി൪വഹിക്കുന്നുണ്ട്.
കഴിഞ്ഞമാസം, ആസ്ട്രേലിയൻ പാ൪ലമെൻറിൽ ഗ്രീൻ പാ൪ട്ടി പ്രവ൪ത്തകരും കൂടങ്കുളം സമരത്തിന് ഐക്യദാ൪ഢ്യം പ്രകടിപ്പിച്ച് രംഗത്തെത്തിയിരുന്നു. ഇന്ത്യയിലേക്കുള്ള യുറേനിയം കയറ്റുമതി നി൪ത്തിവെക്കണമെന്ന് ഗ്രീൻ പാ൪ട്ടി സെനറ്റ൪ സ്കോട്ട് ലുദ്ലാം പ്രമേയത്തിലൂടെ ആവശ്യപ്പെട്ടു. ആൻറണി ജോണിൻെറ മരണത്തിൽ അനുശോചനമറിയിച്ചുള്ള അദ്ദേഹത്തിൻെറ പ്രഭാഷണം വലിയ പ്രാധാന്യത്തോടെയാണ് ആസ്ട്രേലിയൻ മാധ്യമങ്ങൾ റിപ്പോ൪ട്ട് ചെയ്തത്. കൂടങ്കുളം നിലയത്തിനെതിരെ ശ്രീലങ്കയിലും സമരം നടക്കുന്നുണ്ട്. കൂടങ്കുളത്ത് ആണവ ദുരന്തമുണ്ടായാൽ അതേറ്റവും കൂടുതൽ ബാധിക്കുക തങ്ങളെയാകുമെന്നാണ് ഇവരുടെ ആശങ്ക. ഇക്കാര്യം അന്താരാഷ്ട്ര ആണവോ൪ജ ഏജൻസിയെ അറിയിക്കുമെന്ന് ശ്രീലങ്കൻ സ൪ക്കാ൪ നേരത്തേ വ്യക്തമാക്കിയിരുന്നു.