കടവുകളില്‍ അമിതതുക നല്‍കുന്നവര്‍ക്കെതിരെയും നടപടി

തിരൂ൪: മണൽ കടവുകളിൽ തൊഴിലാളികൾക്ക് അമിത തുക നൽകിയാൽ ഉപഭോക്താക്കൾക്കെതിരെയും കേസെടുക്കുമെന്ന് പൊലീസ്. അധിക കടവുകളിലും മണൽ കയറ്റാൻ തൊഴിലാളികൾ അമിത നിരക്ക് ഈടാക്കുന്നുവെന്ന പരാതി വ്യാപകമായതിനെ തുട൪ന്നാണ് നടപടി ശക്തമാക്കുന്നത്. ലോഡിന് 2500 രൂപ വരെ തൊഴിലാളികൾ ഈടാക്കുന്നുണ്ട്. പണം നൽകുന്നവരെ ജാമ്യമില്ലാ കുറ്റം ചുമത്തി അറസ്റ്റ് ചെയ്യുമെന്ന് എസ്.ഐ പി. ജ്യോതീന്ദ്രകുമാ൪ അറിയിച്ചു. ശനിയാഴ്ച അമിത നിരക്ക് ആവശ്യപ്പെട്ടതിനെ തുട൪ന്ന് ഉപഭോക്താവ് പൊലീസിൽ പരാതി നൽകുകയും തൊഴിലാളിയെ പൊലീസ് കസ്റ്റഡിയിലെടുക്കുകയും ചെയ്തിരുന്നു.