മയക്കുമരുന്ന് കടത്താനുള്ള ശ്രമത്തിനിടെ ഇത്യോപ്യക്കാരി പിടിയില്‍

കുവൈത്ത് സിറ്റി: രാജ്യത്തേക്ക് മയക്കുമരുന്ന് കടത്താനുള്ള യുവതിയുടെ ശ്രമം അധികൃത൪ പിടികൂടി. കഴിഞ്ഞ ദിവസം കുവൈത്ത് അന്താരാഷ്ട്ര വിമാനത്താവളത്തിലാണ് സംഭവം. അവധി കഴിഞ്ഞ് രാജ്യത്തേക്ക് വരികയായിരുന്ന ഇത്യോപ്യൻ വേലക്കാരിയുടെ ശ്രമമാണ് കസ്റ്റംസ് അധികൃത൪ പരാജയപ്പെടുത്തിയത്.
യുവതിയുടെ നീക്കത്തിൽ സംശയം തോന്നിയ അധികൃത൪ ബാഗേജ് വിശദമായി പരിശോധിക്കുകയായിരുന്നു. രണ്ടു കിലോ മയക്കുമരുന്ന് ഇവരിൽനിന്നും കണ്ടെടുത്തു.