പെപ്സി സമരം: ലേബര്‍ കമീഷന്‍ ചര്‍ച്ചയിലും തീര്‍പ്പായില്ല

പാലക്കാട്: കഞ്ചിക്കോട് പെപ്സി കമ്പനിയിലെ തൊഴിലാളി സമരം ഒത്തുതീ൪പ്പാക്കാൻ അസിസ്റ്റൻറ് ലേബ൪ കമീഷണറുടെ സാന്നിധ്യത്തിൽ തിരുവനന്തപുരത്ത് നടന്ന ച൪ച്ചയും പരാജയം. ജോലിക്ക് പ്രവേശിച്ച് ഒരാഴ്ചക്കുള്ളിൽ പ്രശ്നം പരിഹരിക്കാമെന്ന് കമ്പനി അധികൃത൪ അറിയിച്ചെങ്കിലും തൊഴിലാളികൾ ഒത്തുതീ൪പ്പിന് തയാറായില്ല.
ആറുമാസം മുമ്പ് കമ്പനി മാനേജ്മെൻറ് നൽകിയ ഉറപ്പ് പാലിക്കപ്പെടാത്തതാണ് സമരത്തിലേക്ക് നയിച്ചത്. അതിനാൽ കമ്പനിയുടെ ഉറപ്പ് വിശ്വാസത്തിലെടുക്കുന്നില്ലെന്ന് തൊഴിലാളികൾ പറഞ്ഞു. തൊഴിൽമന്ത്രി ഷിബു ബേബി ജോണിൻെറ സാന്നിധ്യത്തിൽ വീണ്ടും ച൪ച്ച നടത്തുമെന്ന് അസിസ്റ്റൻറ് ലേബ൪ കമീഷണ൪ അറിയിച്ചു. സംയുക്ത സമര സമിതി നേതാക്കളായ കെ. സുരേഷ്, ജോ൪ജ് ഫെ൪ണാണ്ടസ് (ഐ.എൻ.ടി.യു.സി), രമേശ്, ജയപ്രകാശ് (സി.ഐ.ടി.യു), വിജയകൃഷ്ണൻ, ശശികുമാ൪ (ബി.എം.എസ്), പെപ്സി സൗത് സോൺ മാനേജ൪ സുധാക൪ തടാങ്കി, എച്ച്.ആ൪ മാനേജ൪ ഫിലിപ്പ് ആൻറണി, കരാറുകാരായ രാമദാസ്, ഹരിഹരൻ എന്നിവ൪ ച൪ച്ചയിൽ പങ്കെടുത്തു. ജോലി സ്ഥിരത, ശമ്പളവ൪ധന, ആനൂകൂല്യങ്ങൾ എന്നിവ ആവശ്യപ്പെട്ട് സെപ്റ്റംബ൪ 13നാണ് സംയുക്ത സമരസമിതി കമ്പനിക്ക് മുന്നിൽ സമരം ആരംഭിച്ചത്. 12 വ൪ഷമായി കരാറടിസ്ഥാനത്തിൽ ജോലി ചെയ്യുന്ന 360 തൊഴിലാളികളാണ് സമരം നടത്തുന്നത്. ഇതേതുട൪ന്ന് കമ്പനിയിലെ ഉൽപാദനം നിലച്ചിട്ടുണ്ട്.