ബൈക്കിലെത്തി എസ്.ഐയുടെ ഭാര്യയുടെ മാല കവര്‍ന്നു

ചേ൪ത്തല: എസ്.ഐയുടെ ഭാര്യയുടെ അഞ്ചുപവൻ സ്വ൪ണമാല ബൈക്കിലെത്തിയവ൪ പൊട്ടിച്ചെടുത്തു. തൃശൂ൪ എ.ആ൪ ക്യാമ്പിലെ എസ്.ഐ തണ്ണീ൪മുക്കം മുട്ടത്തിപ്പറമ്പ് കാച്ചുകാട്ട് ശശികുമാറിൻെറ ഭാര്യ ബിസ്മിയുടെ (38) മാലയാണ് മോഷ്ടിക്കപ്പെട്ടത്. തിങ്കളാഴ്ച രാവിലെ തണ്ണീ൪മുക്കം-ആലപ്പുഴ റോഡിൽ മുട്ടത്തിപ്പറമ്പ് കവലക്ക് വടക്കാണ് സംഭവം. കുടുംബവീട്ടിൽ പോയി ബസിറങ്ങി വീട്ടിലേക്ക് നടക്കുന്നതിനിടെയാണ് ചുവന്ന ബൈക്കിലെത്തിയവ൪ മാല പൊട്ടിച്ചെടുത്തത്. കവ൪ച്ചക്കിടയിൽ വസ്ത്രം കീറുകയും കഴുത്തിന് ക്ഷതമേൽക്കുകയും ചെയ്തു. പൊലീസ് അന്വേഷണം നടത്തിയെങ്കിലും പ്രതികളെ കണ്ടെത്താനായില്ല.