Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightസത്നം സിങ്ങിന്‍െറ...

സത്നം സിങ്ങിന്‍െറ മരണം: അന്വേഷണ റിപ്പോര്‍ട്ട് ഹാജരാക്കണമെന്ന് കോടതി

text_fields
bookmark_border
സത്നം സിങ്ങിന്‍െറ മരണം: അന്വേഷണ റിപ്പോര്‍ട്ട് ഹാജരാക്കണമെന്ന് കോടതി
cancel

കൊച്ചി: ബിഹാ൪ സ്വദേശിയായ സത്നം സിങ്ങിൻെറ മരണവുമായി ബന്ധപ്പെട്ട അന്വേഷണ റിപ്പോ൪ട്ട് ഹാജരാക്കണമെന്ന് ഹൈകോടതി. തിരുവനന്തപുരം പേരൂ൪ക്കട മാനസികാരോഗ്യ കേന്ദ്രത്തിൽ സത്നംസിങ് മ൪ദനമേറ്റ നിലയിൽ മരിച്ചതിനെത്തുട൪ന്ന് ഐ.ജി ബി. സന്ധ്യ നടത്തിയ അന്വേഷണറിപ്പോ൪ട്ട് സമ൪പ്പിക്കാനാണ് ഡി.ജി.പിയോട് കോടതിയുടെ നി൪ദേശം. മാനസികാരോഗ്യ കേന്ദ്രങ്ങളുമായി ബന്ധപ്പെട്ട് കേസുകൾ പരിഗണിക്കുന്ന പ്രത്യേക ബെഞ്ച് സത്നംസിങ്ങിൻെറ മരണം സംബന്ധിച്ച കേസ് പരിഗണിക്കുമ്പോഴാണ് ജസ്റ്റിസ് തോട്ടത്തിൽ ബി. രാധാകൃഷ്ണൻെറ ഉത്തരവ്. അതേസമയം, മാനസികാരോഗ്യ കേന്ദ്രത്തിൽവെച്ച് മ൪ദനമേറ്റതാണ് സത്നം സിങ്ങിൻെറ മരണകാരണമെന്ന് സ൪ക്കാ൪ സമ൪പ്പിച്ച സത്യവാങ്മൂലത്തിൽ വ്യക്തമാക്കുന്നു. തലക്കടിയേറ്റാണ് മരണം സംഭവിച്ചിട്ടുള്ളതെന്നാണ് പോസ്റ്റ് മോ൪ട്ടം റിപ്പോ൪ട്ട്. മാനസികാരോഗ്യ കേന്ദ്രത്തിലെ രണ്ട് ജീവനക്കാരുൾപ്പെടെ ആറുപേരെ അറസ്റ്റ് ചെയ്തു. ഇവ൪ റിമാൻഡിലാണ്. രോഗം പൂ൪ണമായി മാറിയിട്ടും ബന്ധുക്കൾ തിരികെ കൊണ്ടുപോകാത്തതിനാൽ കേന്ദ്രത്തിൽ തന്നെ കഴിയുന്നവരാണ് നാലുപേ൪. അമൃതാനന്ദമയീ മഠത്തിൽ നിന്ന് പിടികൂടിയ ശേഷം ആശുപത്രിയിൽ വെച്ച് മാത്രമാണ് മ൪ദനം ഏറ്റിരിക്കുന്നതെന്നാണ് റിപ്പോ൪ട്ടെന്നും സ൪ക്കാ൪ കോടതിയെ അറിയിച്ചു. കേസിൽ അന്വേഷണം പൂ൪ത്തിയായതായും റിപ്പോ൪ട്ട് സമ൪പ്പിച്ചതായും സ൪ക്കാ൪ അറിയിച്ചപ്പോഴാണ് റിപ്പോ൪ട്ട് ഹാജരാക്കാൻ കോടതി നി൪ദേശിച്ചത്. മാനസികാരോഗ്യ കേന്ദ്രങ്ങളുമായി ബന്ധപ്പെട്ട മറ്റ് കേസുകളും വ്യാഴാഴ്ച കോടതിയുടെ പരിഗണനക്കെത്തി.

Show Full Article
TAGS:
Next Story