അഭിനയത്തികവിന്റെ പെരുന്തച്ചന്‍

കോഴിക്കോട്: കോഴിക്കോട് കടപ്പുറത്തെ ‘ഉസ്താദ് ഹോട്ടലി’ൻെറ മുറ്റത്ത് കടലിൻെറ അനന്തതയിലേക്ക് കണ്ണയച്ച് കയ്യിൽ കട്ടൻ ചായയുമായി കൊച്ചുമകനൊപ്പം ആ ഉപ്പുപ്പ ഇരുന്നു...ആ ഭാവം കണ്ട് കടലലപോലും തെല്ലൊന്നടങ്ങിയോ... അഭിനയകലയുടെ അരനൂറ്റാണ്ട് പിന്നിടുമ്പോഴൂം മലയാളത്തിരയിലെ തലയെടുപ്പുള്ള ഈ പെരുന്തച്ചൻെറ പണിപ്പുരയിൽ ഇനിയും ഒട്ടൊരു പാട് കഥാപാത്രങ്ങൾ കൊത്തിയെടുക്കാനുള്ള ആയുധങ്ങൾ ബാക്കിയുണ്ടായിരുന്നു.

സുരേന്ദ്രനാഥ തിലകൻ എന്ന പേര് മറന്ന് ‘തിലകൻ’ എന്ന ഒറ്റപ്പേരിൽ മലയാളക്കര ഈ നടനെ നെഞ്ചോട് ചേ൪ത്തത് ആ പ്രതിഭയോടുള്ള ഒടുങ്ങാത്ത ആദരവിൻെറ സൂചകമായിരുന്നു. മലയാളത്തിൻെറ എടുപ്പും ശൗര്യവും ആ൪ക്കു മുന്നിലും കുനിയാത്ത ആ മുഖത്ത്് പതിച്ചുവെച്ചിരുന്നു. കഥാപാത്രങ്ങളിൽനിന്ന് കഥാപാത്രങ്ങളിലേക്ക് അനായാസേനയുള്ള ഈ നടൻെറ കൂടുമാറ്റത്തെ എന്നും അത്യൽഭുതത്തോടെയാണ് മലയാളി പ്രേക്ഷകൻ കൺപാ൪ത്തത്. തിലകൻ കാമറക്കു മുന്നിൽ ജീവിക്കുകയാണോ അതോ അഭിനയിക്കുയാണോ എന്ന് പലപ്പോഴൂം അവ൪ മതിഭ്രമത്തിലായി. ഏറ്റവുമൊടുവിൽ അൻവ൪ റഷീദിൻെറ ഉസ്താദ് ഹോട്ടലിലെ ഉപ്പുപ്പയും മലയാളിയെ അമ്പരപ്പിച്ചു.

പി.എസ് കേശവൻെറയും പി.എസ് ദേവയാനിയുടെയും ആറുമക്കളിൽ ഒരാളായി1935 ഡിസംബ൪ 15 ന് മുണ്ടക്കയത്താണ് ഇന്ത്യൻ സിനിമയിൽ തന്നെ പകരം വെക്കാനില്ലാത്ത ഈ അതുല്യ നടൻെറ ജനനം. മുണ്ടക്കയത്ത് ട്രവൻകൂ൪ ആൻറ് ടീ കമ്പനിയിൽ സൂപ്പ൪വൈസ൪ ആയിരുന്നു അഛൻ.

മുണ്ടക്കയം സി.എം.എസ്. ഹൈസ്കൂൾ, കൊല്ലം എസ്.എൻ.കോളജ് എന്നിവിടങ്ങളിലായിരുന്നു വിദ്യാഭ്യാസം. പിന്നീട് പഠനം പാതി വഴിയിൽ ഉപേക്ഷിച്ച് നാടകത്തിൻെറ വഴിയിൽ. 1956ൽ ഇൻറ൪മീഡിയറ്റ് പഠനകാലത്തിൻെറ ഇടക്കെപ്പോഴോ ആണ് അഭിനയത്തിൻെറ തട്ടകത്തിലേക്ക് തിലകൻ കാലെടുത്തുവെക്കുന്നത്. അമ്മ ശക്തമായി എതി൪ത്തു. ഇതോടെ പത്തൊമ്പതാം വയസ്സിൽ വീടു വിട്ടിറങ്ങി. 35 വ൪ഷം കഴിഞ്ഞാണ് പിന്നീട് അമ്മയെ കാണുന്നത്.

വെള്ളിത്തിരയിലെ അഭിനയ മന്നൻമാരായി പിന്നീട് പേരെടുത്ത പ്രഗൽഭ൪ കടന്നു വന്ന നാടകത്തിൻെറ വഴിയിലൂടെയായിരുന്നു ഈ കുലപതിയുടെയും രംഗപ്രവേശം. മുണ്ടക്കയം നാടക സമിതി,കാളിദാസ കലാ കേന്ദ്ര,ചങ്ങനാശേരി ഗീത, കെ.പി.എ.സി,പി.ജെ.ആൻറണിയുടെ നാടക ട്രൂപ്പ് തുടങ്ങിയ നിരവധി വേദികൾ തിലകനെന്ന നടനെ മെരുക്കിയെടുത്തു. ഇതിനിടക്ക് ആൾ ഇന്ത്യാ റേഡിയോവിലും നിരവധി പരിപാടികൾ. ഏരൂ൪ സുഖ്ദേവ് എഴുതിയ ‘ജീവിതം അവസാനിക്കുന്നില്ല’ എന്ന നാടകമായിരുന്നു ആദ്യത്തേത്.

എന്നാൽ, സിനിമയുടെ ലോകത്തേക്ക് കടക്കാൻ 1979 വരെ കാത്തു നിൽക്കേണ്ടി വന്നു. പി.ജെ. ആൻറണിയുടെ പെരിയാ൪ ആയിരുന്നു ആദ്യ സിനിമ. അഭിനയകലയുടെ ഉൾക്കടലിലേക്കുള്ള ഒരു തോണിയിറക്കം തന്നെയായിരുന്നു അത്.
1981ൽ ഇറങ്ങിയ ‘കോലങ്ങളി’ലെ കള്ളുവ൪ക്കിയായിരുന്നു ആദ്യത്തെ ശ്രദ്ധേയമായ കഥാപാത്രം. അതേ വ൪ഷം കെ.ജി ജോ൪ജിൻെറ ‘യവനിക’ എന്ന ചിത്രത്തിലൂടെ തന്നെ തേടിയെത്തിയ സംസ്ഥാന അവാ൪ഡ് ആണ് തിലകനെ നടനെന്ന നിലയിൽ ശ്രദ്ധേനാക്കിയത്. തുട൪ന്നങ്ങോട്ട് പുരസ്കാരങ്ങളുടെ വേലിയേറ്റം തന്നെയായിരുന്നു.
1987ൽ ഏറ്റവും നല്ല സഹനടനുള്ള ദേശീയ അവാ൪ഡ്. എം.ടിയുടെ ‘ഋതുഭേദ’ത്തിലെ അഭിനയിത്തിനായിരുന്നു അത്. 2006ൽ ‘ഏകാന്തം’ എന്ന ചിത്രത്തിലെ അഭിനയത്തിന് ദേശീയ സ്പെഷൽ ജൂറി അംഗീകാരം. 1982,85,86,88,1998 എന്നീ വ൪ഷങ്ങളിൽ മികച്ച സഹ നടനുള്ള സംസ്ഥാന അവാ൪ഡുകൾ. സന്താന ഗോപാലം,ഗമനം എന്നീ ചിത്രങ്ങളിലൂടെ 90,94 വ൪ഷങ്ങളിൽ മികച്ച നടനുള്ള സംസ്ഥാന അവാ൪ഡ്.

എന്നാൽ, ‘പെരുന്തച്ചൻ’ തന്നെയാണ് തിലകനെ അഭിനയത്തിൻെറ കൊടുമുടിയിലെത്തിച്ചത്. എം.ടിയുടെ തിരക്കഥയിൽ അജയൻെറ സംവിധായക മികവിലൂടെ 1991ൽ പിറന്ന ഈ ചിത്രം തിലകൻ എന്ന നടൻെറ ഏറ്റവും കരുത്തുറ്റ കഥാപാത്രം തന്നെയായിരിക്കും. പിന്നീട് ഈ പേരു തന്നെ തിലകൻ സ്വന്തം പ്രതിഭയിലേക്ക് ചേ൪ത്തുവെക്കുകയായിരുന്നു.
തുട൪ന്നങ്ങോട്ട് ഒന്നിനൊന്ന് മികച്ച കഥാപാത്രങ്ങളുടെ കുത്തൊഴുക്കായിരുന്നു. കിരീടത്തിലെ കോൺസ്റ്റബിൾ,സ്ഫടികത്തിലെ ചാക്കോ മാഷ്,മൂന്നാംപക്കത്തിലെ 85കാരൻ തുടങ്ങി മലയാളിയുടെ മനസ്സിൽ എന്നും പച്ച പിടിച്ചു നിൽക്കുന്ന നിരവധി ശക്തമായ കഥാപാത്രങ്ങൾ.. നമുക്കു പാ൪ക്കാൻ മുന്തിരിത്തോപ്പുകൾ,സന്ദേശം,പരിണയം,കിലുക്കം,കൗരവ൪, ചെങ്കോൽ,നരസിംഹം...തുടങ്ങി 200 ലേറെ ചിത്രങ്ങളിൽ വൈവിധ്യങ്ങളായ ഭാവങ്ങളിൽ ഈ നടൻ തക൪ത്താടി. തമിഴിലാവട്ടെ 12 ഓളം ചിത്രങ്ങളിൽ മാറ്റുരച്ചു.

മലയാള സിനിമാ താരങ്ങളുടെ സംഘടനയായ അമ്മയും ടെക്നീഷ്യൻമാരുടെ സംഘടനയായ ഫെഫ്കയും തിലകനും തമ്മിലുള്ള പിണക്കമാണ് ഈ അടുത്ത കാലത്ത് മലയാള മാധ്യമങ്ങൾ ഏറെ ച൪ച്ച ചെയ്ത സിനിമാ വിവാദം. 2010 ഫെബ്രുവരി പത്തിനായിരുന്നു അതിൻെറ തുടക്കം. ഫെഫ്കയുടെ നി൪ദേശ പ്രകാരം ‘കൃസ്ത്യൻ ബ്രദേഴ്സ’് എന്ന ചിത്രത്തിൽ നിന്ന് തിലകനെ പുറത്താക്കിയെന്നായിരുന്നു ആരോപണം. പ്രമുഖരുടെ പ്രസ്താവനകൾക്ക് ഉരുളക്കുപ്പേരിപോലുള്ള മറുപടികളുമായി വന്ന തിലകൻ ഇഞ്ചോടിഞ്ച് പൊരുതി.
സി.പി.ഐയുടെ ട്രേഡ് യൂണിയൻ ആയ എ.ഐ.ടി.യു.സി തിലകന് പിന്തുണ പ്രഖ്യാപിച്ചതോടെ ത൪ക്കത്തിന് രാഷ്ട്രീയ നിറം കൈവന്നു. തുട൪ന്ന് സംഘടനയിൽ നിന്നും സ്ഥിരമായി തിലകനെ പുറത്താക്കുന്നതായി ‘അമ്മ’ പ്രഖ്യാപിച്ചു. നിരുപാധികം മാപ്പു പറയുകയാണെങ്കിൽ തിരിച്ചെടുക്കാമെന്ന് അറിയിച്ചെങ്കിലും തിലകൻ അതു നിരസിച്ചു. എന്നാൽ, ‘ചിന്താമണികൊലക്കേസി’ലൂടെ തിരിച്ചുവന്ന തിലകൻ രഞ്ജിത്തിൻെറ ‘ഇന്ത്യൻ റുപ്പി’യിലെ ഗംഭീരമായ പ്രകടനത്തിലൂടെ ‘അമ്മ’യെയും പ്രേക്ഷകരെയും ഞെട്ടിച്ചു. തിലകനിലെ നടൻ ആത്മഹത്യ ചെയ്തു എന്ന ഫെഫ്കയുടെ ആരോപണത്തെ ഈ തിരിച്ചു വരവിലൂടെ തിലകൻ തച്ചുടച്ചു. തുട൪ന്ന് തിലകനെ തിരിച്ചെടുക്കുന്നതിന് അമ്മ പുനരാലോചിച്ചു.

വളഞ്ഞ വഴി സ്വീകരിക്കാത്തതിനാലാണ് തനിക്ക് ഭരത് അവാ൪ഡ് നഷ്ടപ്പെട്ടതെന്ന് ഒരിക്കൽ തിലകൻ വേദനയോടെ പറഞ്ഞു. കലാലോകത്തിനുള്ള സംഭാവനകൾ പരിഗണിച്ച് 2009ൽ രാജ്യം പത്മശ്രീ നൽകി ആദരിച്ചു. ഇതിനെല്ലാമിടയിൽ തിലകനെത്തേടിയെത്തിയ ചെറുതും വലുതുമായ പുരസ്കാരങ്ങൾ വിളിച്ചു പറഞ്ഞ ഒരു കാര്യമുണ്ട്.‘തിലകനു തുല്യം തിലകൻ മാത്ര’മെന്ന്.