വയനാട് ചുരത്തില്‍ ഓടിക്കൊണ്ടിരുന്ന മിനിലോറിക്ക് തീ പിടിച്ചു

താമരശ്ശേരി: വയനാട് ചുരത്തിൽ തകരപ്പാടിക്കടുത്ത് എട്ടാം വളവിൽ ഓടിക്കൊണ്ടിരുന്ന മിനിലോറിക്ക് തീപിടിച്ചത് പരിഭ്രാന്തി പരത്തി. ശനിയാഴ്ച രാവിലെ ഒമ്പതരയോടെയാണ് സംഭവം. കോഴിക്കോടുനിന്ന് വയനാട്ടിലേക്ക് പെയിൻറുമായി പോവുകയായിരുന്ന മിനിലോറിക്കാണ് തീ പിടിച്ചത്. എന്തോ കത്തിയതായി ശ്രദ്ധയിൽപെട്ട ഡ്രൈവ൪ ലോറി നി൪ത്തി ബോണറ്റ് തുറന്നപ്പോഴാണ് തീ ആളിപ്പട൪ന്നത്. ലോറിയിലുണ്ടായിരുന്ന പെയിൻറും, കാബിനും കത്തിനശിച്ചു. നിമിഷങ്ങൾക്കകം കൽപറ്റയിൽനിന്നെത്തിയ രണ്ടു യൂനിറ്റ് ഫയ൪ഫോഴ്സ് അര മണിക്കൂ൪കൊണ്ട് തീയണച്ചു. റോഡിലേക്ക് ഉരുകിയൊലിച്ച പെയിൻറ് വെള്ളമൊഴിച്ച് നീക്കം ചെയ്തു. തക്കസമയത്ത് ഫയ൪ഫോഴ്സ് എത്തിയതുമൂലം ചുരത്തിൽ ദീ൪ഘസമയം ഗതാഗത തടസ്സം ഉണ്ടായില്ല.