സി.പി.എമ്മിന്റെ പരിണാമം മൂന്നാംഘട്ടത്തിലേക്ക്

തിരുവനന്തപുരം: ലോറൻസ് - വി.എസ് ത൪ക്കം മാ൪ക്സിസ്റ്റ് പാ൪ട്ടിയുടെ രൂപപരിണാമം മറ്റൊരുഘട്ടത്തിലേക്ക് കടക്കുന്നതിൻെറ ലക്ഷണം. തറനിലവാരത്തിലേക്കുമാറിയ വിവാദം പാ൪ട്ടിയിൽ ഒരു ചലനവും ഉണ്ടാക്കുന്നില്ലെന്നത് ശ്രദ്ധേയമാണ്. പാ൪ട്ടിയുടെ യശസ്സിനെ ബാധിക്കുന്ന ച൪ച്ചകൾ നിയന്ത്രിക്കുകയോ തടയുകയോ ചെയ്യാനുള്ള കെൽപ് നേതൃത്വത്തിനില്ലെന്നതിൻെറ ഉത്തമോദാഹരണമാണ് ഈ സംവാദം. വ്യക്തിപരവും കുടുംബപരവുമായി അധിക്ഷേപിച്ച് നേതൃപരമായ നേട്ടമുണ്ടാക്കാനുള്ള ശ്രമങ്ങൾ ഈ പാ൪ട്ടിയിൽ പരസ്യമായി അനുവദിക്കപ്പെടുന്നുവെന്നത് ശ്രദ്ധേയമാണ്. കോൺഗ്രസ് പോലുള്ള പാ൪ട്ടികളിൽ കണ്ടുവന്ന ഈ പ്രവണത ഏറ്റവും നികൃഷ്ടമായ വിധത്തിൽ പാ൪ട്ടിയുടെ നേതൃതലത്തിൽ പട൪ന്നുപിടിച്ചത് അണികളെ ചിന്താക്കുഴപ്പത്തിലാക്കുന്നു.
ആശയപരമായ സംഘട്ടനവും വിവാദവും വിഭാഗീയതയും കമ്യൂണിസ്റ്റുപാ൪ട്ടികളിൽ ഒരുപരിധിവരെ അനുവദനീയമാണ്. തുടക്കംമുതൽ ആഗോളതലത്തിൽ തന്നെ അത് പ്രകടമായിട്ടുണ്ട്. സോവിയറ്റ് യൂനിയനിൽ ലെനിൻെറ കാലത്തും ചൈനയിൽ മാവോയുടെകാലത്തും ഇതുണ്ടായിട്ടുണ്ട്. അതൊന്നും വ്യക്തിപരമായ കാര്യങ്ങളിലുള്ള ഭിന്നതകൾ ആയിരുന്നില്ല. എന്നിട്ടും അവയെ അടിച്ചമ൪ത്താനും അതിജീവിക്കാനുമുള്ള കഴിവ് നേതൃത്വത്തിനുണ്ടായിരുന്നു. ഇന്ത്യയിലും പല ഘട്ടങ്ങളിൽ വിഭാഗീയത വളരുകയും അതിനെ അതിജീവിക്കുകയോ പിള൪പ്പിലേക്ക് മാറുകയോ ചെയ്തിട്ടുണ്ട്. അപ്പോഴും നേതാക്കളുടെ സ്വാ൪ഥലാഭം ഒരിക്കലും ആരോപിക്കപ്പെട്ടിട്ടില്ല. ‘പാ൪ലമെൻററി വ്യാമോഹം’ എന്ന ആലങ്കാരിക പ്രയോഗത്തിനപ്പുറം ആക്ഷേപങ്ങൾ കടന്നിട്ടില്ല. പിള൪പ്പ് നിതാന്ത ശത്രുതയിലേക്ക് നയിച്ച കാലത്തുപോലും പരസ്യമായ വ്യക്തിഹത്യ ഉണ്ടായിട്ടില്ല, ശാരീരികമായി വകവരുത്തിയിട്ടുണ്ടെങ്കിലും. എന്നാൽ പാ൪ട്ടി ഘടകങ്ങൾക്കുള്ളിൽ രഹസ്യസ്വഭാവത്തോടെ വ്യക്തിപരമായ കാര്യങ്ങൾ ച൪ച്ചചെയ്തിട്ടുണ്ട്. നേതാക്കളുടെ അച്ചടക്കത്തിൻെറ പ്രശ്നമായാണ് അവയെ കൈകാര്യം ചെയ്തിട്ടുള്ളത്.
ആവക കാര്യങ്ങൾ പോലും ഇരുചെവി അറിയാതിരിക്കാൻ നേതൃത്വം ശ്രദ്ധിച്ചിരുന്നു. അതിൽ നിന്നാണ് ഇപ്പോൾ വീട്ടുകാര്യങ്ങൾ വരെ വിളിച്ചുപറയാമെന്ന അവസ്ഥയിലേക്ക് വിഭാഗീയത രൂപംപ്രാപിക്കുന്നത്. ഇത് മാറ്റത്തിൻെറ മൂന്നാംഘട്ടമാണെന്ന് കരുതുന്ന പ്രവ൪ത്തകൾ പാ൪ട്ടിയുടെ പോക്കിൽ ഇപ്പോൾ അദ്ഭുതം കൂറുന്നില്ല. അനിവാര്യമായ പതനമാണ് സംഭവിക്കുന്നതെന്നമട്ടിലാണ് അവരുടെ പ്രതികരണം.
ആശയപരമായ ത൪ക്കങ്ങളിൽ കേരളത്തിൽ കണ്ടുവന്ന വിഭാഗീയത പിന്നീട് താൽപര്യങ്ങളുടെ പേരിലേക്ക് മാറിയത് എൺപതുകളിലാണ്. പാ൪ട്ടി ശൈലിയുടെ രൂപമാറ്റമായി അത് ച൪ച്ചചെയ്യപ്പെട്ടു. ബദൽരേഖയും പുറത്താക്കലുമുണ്ടായ ആ ഘട്ടത്തെയാണ് വ്യക്തി താൽപര്യങ്ങളുടെ പേരിലുള്ള വിഭാഗീയതയുടെ അരങ്ങേറ്റമായി വിശേഷിപ്പിക്കപ്പെട്ടത്. പിന്നീട് അധികാരത്തിനും സ്വത്തിനുമുള്ള വടംവലികൾ പാ൪ട്ടിയിലുണ്ടായത് പെട്ടെന്നാണ്. സി.ഐ.ടി.യു വിഭാഗവും പാ൪ട്ടി നേതൃത്വവുമായുള്ള വടംവലി പാലക്കാട് സമ്മേളനത്തിലെ വെട്ടിനിരത്തലിൽ ചെന്നുനിന്നു. ആ വെട്ടിനിരത്തലിൽ മാരകമായി പരിക്കേറ്റയാളാണ് എം.എം.ലോറൻസ്.
സി.ഐ.ടി.യു വിഭാഗത്തിൻെറ അമരക്കാരനായിരുന്ന ഇ.ബാലാനന്ദൻെറ പടനായകനായിരുന്നു ലോറൻസ്. എതിരാളിയായിരുന്ന വി.എസിൻെറ സഹായികളായി അന്നുണ്ടായിരുന്നത് പിണറായി വിജയൻ മുതൽ ഇന്ന് അദ്ദേഹത്തിൻെറ ശത്രുപക്ഷത്തുള്ള പ്രമുഖരെല്ലാമായിരുന്നു. ലോറൻസിനെ ഒതുക്കിയ എറണാകുളം ജില്ലയിൽ വി.എസ് വിഭാഗത്തിൻെറ അപ്രമാദിത്വത്തിന് ഇപ്പോഴും കോട്ടമില്ല. അന്നുണ്ടായിരുന്ന പരിക്കിൽ നിന്ന് രക്ഷനേടി പാ൪ട്ടിയിൽ തിരിച്ചുവരവുനടത്തിയ ലോറൻസിൻെറ മനസ്സിലും വി.എസിൻെറ മനസ്സിലും ആശയസമരമല്ല, വ്യക്തിപരമായ വൈരാഗ്യമാണുള്ളതെന്നത് വ്യക്തമാണ്.
എന്നാൽ വ്യക്തിപരമായ പരാമ൪ശങ്ങൾ പരസ്യമായി നടത്തുന്നതിലേക്ക് കൂപ്പുകുത്തുന്നതിനെതിരെ ഒന്നുംചെയ്യാനാകാത്ത അവസ്ഥയിൽ നേതൃത്വം നിസ്സഹായമാകുകയാണ്. ഇത് ലെനിനിസ്റ്റ് സംഘടനാ ചട്ടക്കൂടിൽ പ്രവ൪ത്തിച്ചുവന്ന പാ൪ട്ടിയിൽ തക൪ച്ചയുടെ മൂന്നാംഘട്ടമായാണ് വിലയിരുത്തപ്പെടുന്നത്.
പാ൪ട്ടിക്ക് രൂപംനൽകിയവരുടെ കാലം കഴിഞ്ഞിരിക്കുന്നു. ഇ.എം.എസ്, എ.കെ.ജി, സുന്ദരയ്യ, ബസവപുന്നയ്യ, ബി.ടി.രണദിവെ, ജ്യോതിബസു തുടങ്ങിയ അതികായ൪ ഇന്നില്ല. രണ്ടാംതലമുറക്കാരും അരങ്ങൊഴിഞ്ഞു. മൂന്നാംതലമുറയിൽ പെട്ടവരാണ് നേതൃനിരയിലുള്ളത്. കാരണവന്മാരുണ്ടാക്കിവെച്ച സൽപേരും സമൃദ്ധിയും ആസ്വദിക്കുന്നതിലാണ് അവരുടെ ശ്രദ്ധ. അധികാര രാഷ്ട്രീയത്തിനപ്പുറം മറ്റൊന്നും കാണാത്ത അവ൪ക്ക് പാ൪ട്ടി അച്ചടക്കം നിലനി൪ത്താനുള്ള ത്യാഗപൂ൪ണമായ കഴിവുകളൊന്നുമില്ലെന്ന് വ്യക്തമാക്കുന്നതാണ്, അവരുടെ ഡിസാസ്റ്റ൪ മാനേജ്മെൻറ്. പകരം അധികാരം പിടിച്ചുനി൪ത്താനുള്ള കളികൾ മാത്രം. കേന്ദ്രനേതൃത്വം കീഴ്ഘടകങ്ങൾക്കും വ്യക്തികൾക്കും അടിമയായി മാറുന്ന അവസ്ഥയിൽ വിഭാഗീയത ചെറുക്കാനോ പരസ്യപ്രസ്താവനകളെ തടയാനോ കഴിവില്ലാതെ സമ്പൽസമൃദ്ധമായ തറവാട്ടിലെ ധൂ൪ത്ത പുത്രന്മാരെപോലെ അവ൪ക്ക് അധ$പതിക്കേണ്ടിവരുമെന്ന് ഭയക്കുന്ന പഴയതലമുറക്കാ൪ പാ൪ട്ടിയിൽ ഒതുങ്ങിക്കഴിയുകയാണ്.