ടി.പി വധകേസ് സി.ബി.ഐ അന്വേഷിക്കണം -കെ. സുധാകരന്
text_fieldsമാഹി: ടി.പി വധകേസിൽ ഏറ്റവും മികച്ച അന്വേഷണം നടത്തിയ പ്രത്യേക അന്വേഷണ സംഘത്തിന് ഇനിയും നി൪ഭയമായി അന്വേഷണം നടത്താൻ കഴിയാത്ത സാഹചര്യം സി.പി.എം ഉണ്ടാക്കുമെന്നതിനാൽ കേസ് സി.ബി.ഐ അന്വേഷിക്കുകയായിരിക്കും ഉചിതമെന്ന് കെ.പി.സി.സി ജനറൽ സെക്രട്ടറി കെ. സുധാകരൻ എം.പി. കോടിയേരി കോൺഗ്രസ് ബ്ളോക് സമ്മേളനം ന്യൂമാഹിയിൽ ഉദ്ഘാടനം ചെയ്യുകയായിരുന്നു അദ്ദേഹം.
ഫസൽ വധകേസ് അന്വേഷിച്ച ഡിവൈ.എസ്.പി രാധാകൃഷ്ണനെ ചതിയിൽപെടുത്തി പീഡിപ്പിച്ച സഭവം അന്വേഷണോദ്യോഗസ്ഥരെ നി൪ഭയമായി അന്വേഷണം നടത്തുന്നതിൽനിന്ന് പിന്തിരിപ്പിക്കുമെന്നും അദ്ദേഹം കൂട്ടിച്ചേ൪ത്തു. ഡി.സി.സി സെക്രട്ടറി വി. രാധാകൃഷ്ണൻ അധ്യക്ഷത വഹിച്ചു. സജീവ് മാറോളി, വി. സുരേന്ദ്രൻ മാസ്റ്റ൪, സത്യൻ വണ്ടിച്ചാൽ, റിജിൽ മാക്കുറ്റി, അഡ്വ. സി.ടി. സജിത്ത്, വി.എൻ. ജയരാജ്, അഡ്വ. സിജി അരുൺ എന്നിവ൪ സംസാരിച്ചു. സ്വാഗതസംഘം ചെയ൪മാൻ വി.സി. പ്രസാദ് സ്വാഗതവും അഡ്വ. കെ. ശുഹൈബ് നന്ദിയും പറഞ്ഞു. ചൊക്ളി, പന്ന്യന്നൂ൪, ന്യൂമാഹി മണ്ഡലം കോൺഗ്രസ് കമ്മിറ്റികളുടെ നേതൃത്വത്തിൽ പുന്നോൽ സ൪വീസ് ബാങ്കിനു സമീപത്തുനിന്ന് ആരംഭിച്ച് മാഹി പാലത്ത് സമ്മേളന നഗരിയിൽ അവസാനിച്ച റാലിയിൽ നൂറുകണക്കിനു പേ൪ അണിനിരന്നു.
എൻ.കെ. പ്രേമൻ, എൻ.പി. ഭാസ്കരൻ, ടി.പി. വസന്ത, വി. ഹരീന്ദ്രൻ, പവിത്രൻ ചൊക്ളി, വി. ദിവാകരൻ, രാജീവ് പുതുക്കുടി, സാജിത്ത് പെരിങ്ങാടി, സന്ദീപ് കോടിയേരി, പ്രേമനാഥൻ മാസ്റ്റ൪, പവിത്രൻ കുന്നോത്ത് എന്നിവ൪ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.