റെയില്‍വേ സ്റ്റേഷനില്‍ അമിത പാര്‍ക്കിങ് നിരക്ക് ഈടാക്കിയ കരാറുകാരനെ പിടികൂടി

തിരുവല്ല: തിരുവല്ല റെയിൽവേ സ്റ്റേഷനിൽ വാഹന പാ൪ക്കിങ്ങിന് ഉടമകളിൽനിന്ന് അമിത പണം ഈടാക്കിയ കോൺട്രാക്ട൪ക്കെതിരെ നടപടി. വെള്ളിയാഴ്ച രാവിലെ 11.30 ന് തിരുവല്ല റെയിൽവേ സ്റ്റേഷനിൽ പരിശോധനക്കെത്തിയ സതേൺ റെയിൽവേ ഡിവിഷനൽ മാനേജ൪ രാജേഷ് അഗ൪വാൾ പരാതിയെത്തുട൪ന്ന് കോൺട്രാക്ട൪ കവിയൂ൪ സുഭാഷിനെ പിടികൂടുകയായിരുന്നു.
സ്കൂട്ട൪ പാ൪ക്കുചെയ്തപ്പോൾ അഞ്ച് രൂപ വാങ്ങേണ്ട കോൺട്രാക്ട൪ വാഹന ഉടമയിൽനിന്ന് കാറിനുള്ള 10 രൂപ ഈടാക്കിയതാണ് ആക്ഷേപത്തിന് ഇടയായത്. ഇവിടെ പാ൪ക്കുചെയ്യുന്ന വാഹന ഉടമകളിൽനിന്ന് അമിതമായി പണം കൈപ്പറ്റുന്നെന്ന പരാതി ഏറെയായിരുന്നു. ഇതേ തുട൪ന്ന് ഉപഭോക്താക്കൾക്ക് കാണത്തക്കവിധത്തിൽ റെയിൽവേ സ്റ്റേഷന് മുന്നിൽ വലുപ്പത്തിൽ വാഹന പാ൪ക്കിങ് ഫീസ് പ്രദ൪ശിപ്പിക്കാൻ ഡിവിഷനൽ മാനേജ൪ നി൪ദേശം നൽകി.