സിറിയന്‍ സേനയുടേത് തത്വദീക്ഷയില്ലാത്ത ആക്രമണം -ആംനസ്റ്റി

ഡമസ്കസ്: സിവിലിയൻ പൗര ജനങ്ങൾക്കുനേരെ വകതിരിവും തത്വദീക്ഷയും ഇല്ലാത്ത ആക്രമണങ്ങളാണ് സിറിയൻ സേന നടത്തിവരുന്നതെന്ന് അന്താരാഷ്ട്ര മനുഷ്യാവകാശ സംഘടന ആംനസ്റ്റി ഇൻറ൪നാഷനൽ കുറ്റപ്പെടുത്തി.
പിഞ്ചുകുട്ടികൾപോലും സൈനികാക്രമണത്തിൻെറ ഇരകളായി മാറുകയാണെന്ന് വീഡിയോ ക്ളിപ്പിങ്ങുകളുടെ അകമ്പടിയോടെ പുറത്തുവിട്ട റിപ്പോ൪ട്ടിൽ ആംനസ്റ്റി ചൂണ്ടിക്കാട്ടി.
സെപ്റ്റംബറിലെ ആദ്യ രണ്ടാഴ്ച സിറിയയിൽ കടന്ന് നേരിൽ നടത്തിയ അന്വേഷണ പ്രകാരമാണ് റിപ്പോ൪ട്ട് തയാറാക്കിയതെന്ന് ആംനസ്റ്റി വിശദീകരിച്ചു.