Begin typing your search above and press return to search.
exit_to_app
exit_to_app
Homechevron_rightHot Wheelschevron_rightക്ഷീരകര്‍ഷകര്‍...

ക്ഷീരകര്‍ഷകര്‍ പ്രക്ഷോഭത്തിന്

text_fields
bookmark_border
ക്ഷീരകര്‍ഷകര്‍ പ്രക്ഷോഭത്തിന്
cancel

കൽപറ്റ: മിൽമ കാലിത്തീറ്റകൾ ആവശ്യാനുസരണം കിട്ടാത്തതിനെതിരെയും എല്ലാ കമ്പനികളുടെയും കാലിത്തീറ്റകൾക്ക് സബ്സിഡി വേണമെന്ന് ആവശ്യപ്പെട്ടും പ്രക്ഷോഭം നടത്തുമെന്ന് പ്രൈമറി മിൽക് സൊസൈറ്റീസ് അസോസിയേഷൻ ജില്ലാ കമ്മിറ്റി ഭാരവാഹികൾ വാ൪ത്താസമ്മേളനത്തിൽ അറിയിച്ചു. സ൪ക്കാറിന്റെ പദ്ധതിപ്രകാരം മിൽമ, കേരള ഫീഡ്സ് കാലിത്തീറ്റകൾ വാങ്ങിയാലേ ക൪ഷക൪ക്ക് സബ്സിഡി ലഭിക്കൂ. എന്നാൽ, മിൽമ തീറ്റകൾ ആവശ്യാനുസരണം ലഭിക്കുന്നില്ല. സ്വകാര്യ കമ്പനികൾ രണ്ടുമാസം കൂടുമ്പോൾ വില വ൪ധിപ്പിക്കുന്നു.
ക്ഷീരസംഘങ്ങളിൽനിന്ന് വാങ്ങുന്ന ഏതിനം കാലിത്തീറ്റകൾക്കും സബ്സിഡി നൽകണം. ഇല്ലെങ്കിൽ സബ്സിഡി പണമായി നൽകാൻ നടപടി വേണം. കറവമാടുകളുടെയും കാലിത്തീറ്റയുടെയും ക്രമാതീതമായ വില വ൪ധനവ് കാരണം ഒരു ലിറ്റ൪ പാലിന് കുറഞ്ഞത് 35 രൂപ ലഭിച്ചാലേ ഈ രംഗത്ത് തുടരാനാകൂ. ക്ഷീരക൪ഷക പെൻഷൻ പദ്ധതിയിലെ അപാകത ക൪ഷക൪ക്ക് തിരിച്ചടിയാണ്. ക്ഷേമനിധിയിൽ ചേ൪ന്ന് അഞ്ചു വ൪ഷം 500 ലിറ്ററിൽ കുറയാതെ പാൽ അളന്ന മുഴുവൻ ക൪ഷക൪ക്കും പെൻഷൻ അനുവദിക്കണം. ഇത് ഉന്നയിച്ച് ഒക്ടോബ൪ 10ന് തിരുവനന്തപുരം പെൻഷൻ ഓഫിസിനു മുന്നിൽ ധ൪ണ നടത്തും.
ശീതീകരണ കേന്ദ്രങ്ങളിലേക്ക് പാൽ എത്തിക്കുന്നതിനുള്ള ഗതാഗതകൂലി, മിൽമക്കു വേണ്ടി പാൽശീതീകരിക്കുന്നതിന് ചെലവാകുന്ന പണം എന്നിവ മിൽമ നൽകുക, ക്ഷീരക൪ഷക൪ക്കുള്ള വിവിധ പദ്ധതികളിൽ ഗുണഭോക്താക്കളെ തെരഞ്ഞെടുക്കുന്നതിൽ ക്ഷീരസംഘങ്ങളുടെ പ്രതിനിധികൾക്ക് പങ്കാളിത്തം നൽകുക, അഞ്ച് പശുക്കളെ വള൪ത്തുന്നവ൪ ലൈസൻസ് എടുക്കണമെന്ന വ്യവസ്ഥ ഒഴിവാക്കുക, പനമരം ബ്ലോക് ക്ഷീര വികസന ഓഫിസ് തുടങ്ങുക എന്നീ ആവശ്യങ്ങളുന്നയിച്ച് തുട൪ സമരങ്ങൾ നടത്തും.
ജില്ലാ പ്രസിഡന്റ് പി.ജി. ആഗസ്തി, ജന. സെക്രട്ടറി പി.എം. ദേവസ്യ, എക്സി. കമ്മിറ്റിയംഗങ്ങളായ കെ.സി. പൗലോസ്, ദീപ്തിഗിരി, എം.ടി. ജോൺ, ബെന്നി, ജനാ൪ദനൻ, വിനോദ്, സുധീന്ദ്രൻ, വി.സി. സെബാസ്റ്റ്യൻ, കെ.വി. ജോൺ എന്നിവ൪ വാ൪ത്താസമ്മേളനത്തിൽ പങ്കെടുത്തു.

Show Full Article
TAGS:
Next Story