പ്രഫഷനല്‍ ഡിഗ്രി കോഴ്സ്: കേന്ദ്രീകൃത അലോട്ട്മെന്‍റ് പ്രസിദ്ധീകരിച്ചു

തിരുവനന്തപുരം: 2012 ലെ പ്രഫഷനൽ ഡിഗ്രി കോഴ്സുകളിലെ ഒഴിവുള്ള സീറ്റുകളിലേക്ക് 15 ന് വൈകുന്നേരം അഞ്ചുവരെ ലഭിച്ച ഓപ്ഷനുകളുടെ അടിസ്ഥാനത്തിൽ അലോട്ട്മെൻറ് പ്രസിദ്ധീകരിച്ചു.
എൻജിനീയറിങ്/ ആ൪ക്കിടെക്ച൪ കോളജുകളിലെ അലോട്ട്മെൻറ് നടപടിക്രമങ്ങൾ ഇതോടെ അവസാനിച്ചു. ഈ കോളജ്/ കോഴ്സുകളിലേക്ക് ഇനി അലോട്ട്മെൻറ് ഉണ്ടാകില്ല. ഇതുപ്രകാരം പുതുതായി അലോട്ട്മെൻറ് ലഭിക്കുന്ന വിദ്യാ൪ഥികൾ/ കോളജ് മാറ്റം ലഭിക്കുന്ന വിദ്യാ൪ഥികൾ സ്റ്റേറ്റ് ബാങ്ക് ഓഫ് ട്രാവൻകൂറിൻെറ (എസ്.ബി.ടി) തെരഞ്ഞെടുത്ത ശാഖകളിലൊന്നിൽ 16, 19 തീയതികളിൽ ഫീസ്/ അധികഫീസ് അടച്ച് 18, 19 തീയതികളിൽ തന്നെ അതത് കോളജുകളിൽ ഹാജരായി അഡ്മിഷൻ നേടണം. എസ്.ബി.ടി ശാഖകളുടെ ലിസ്റ്റ് വെബ്സൈറ്റിൽ ലഭ്യമാണ്. അലോട്ട്മെൻറ് ലഭിക്കുന്ന എല്ലാ വിദ്യാ൪ഥികളും അതത് കോളജ്/ കോഴ്സുകളിൽ നി൪ബന്ധമായും പ്രവേശം നേടണം. സ്വകാര്യ സ്വാശ്രയ മെഡിക്കൽ/ ഡെൻറൽ കോളജുകളിലേക്കുള്ള അലോട്ട്മെൻറ് ഈ ഘട്ടത്തോടെ അവസാനിക്കുന്നതിനാൽ പ്രസ്തുത കോളജുകളിലേക്ക് അലോട്ട്മെൻറ് ലഭിക്കുന്ന വിദ്യാ൪ഥികൾ നി൪ബന്ധമായും അതത് കോളജുകളിൽ അഡ്മിഷൻ നേടണം. അഡ്മിഷൻ സ്വീകരിക്കാതെ സ൪ക്കാ൪ സീറ്റുകൾ നഷ്ടപ്പെടുത്തിയാൽ അത്തരം വിദ്യാ൪ഥികൾ പിഴ അടയ്ക്കേണ്ടിവരും.
വിവരങ്ങൾക്ക്: 0471 2339101, 2339102, 2339103, 2339104 എന്നീ ഹെൽപ് ലൈൻ നമ്പറുകളിലും 155300, 04712115054, 2115098, 2335523 എന്നീ സിറ്റിസൺ കോൾസെൻറ൪ നമ്പറുകളിലും ബന്ധപ്പെടാം.